ورال قالاسىندا شاعىن كاسىپورىنداردىڭ بىرىندە بولعان ءورتتى ءسوندىرۋ كەزىندە توتەنشەلىكتەر جەدەل قيمىلداپ, ىقتيمال جارىلىستىڭ الدىن الدى دەپ حابارلايدى Egemen.kz.
9-قاڭتارعا قاراعان تۇنگى ساعات 3-تەن 14 مينۋت وتكەندە ورال قالاسىنىڭ جاڭگىر حان كوشەسى بويىنداعى «حازار»كەمپينگى اۋماعىندا ءورت شىققانى تۋرالى سۋىت حابار جەتكەن بولاتىن. ءتىلسىز جاۋ كەمپينگ اۋماعىنداعى قوسالقى ءۇي-جايدا,ەكى قاباتتى شينومونتاج عيماراتىندا بولعان.
وقيعا ورنىنا جەدەل جەتكەن توتەنشەلىكتەر جالپى اۋدانى 44 شارشىمەترلىك بولمەدە جەكە زاتتار, پلاستيكالىق تەرەزە جاقتاۋلارى, تۇرمىستىق تەحنيكالار جانىپ جاتقانىن كورگەن. ەڭ قيىنى – عيمارات ىشىندە جارىلۋ قاۋپى بار جوعارى قىسىمدى بالون كوپ ەكەن. ءورت سوندىرۋشىلەردىڭ ۇتىمدى ءىس-قيمىلىنىڭ ارقاسىندا وقيعا ورنىنان 4 وتتەگى, 4 پروپان بالونى جانە فرەونى بار 14 بالون (حلاداگەنت) قاۋىپسىز جەرگە شىعارىلدى.
باتىس قازاقستان وبلىستىق توتەنشە جاعدايلار دەپارتامەنتتىڭ 7 جەكە قۇرامى, 3 تەحنيكاسى جۇمىلىپ, شەبەرحانادا ءورت تۇنگى ساعات 04.38.-دە تولىعىمەن ءسوندىرىلدى.
باتىس قازاقستان