بۇگىن 9 قاڭتار قر پارلامەنتى مەن جەرگىلىكتى ءماسليحاتتار دەپۋتاتتارىن سايلاۋ الدىنداعى «تىنىشتىق» كۇنى. بۇل كۇنى سايلاۋعا ءتۇسىپ جاتقان ساياسي پارتيالاردىڭ ۇگىت جۇرگىزۋىنە تىيىم سالىنعان, دەپ حابارلايدى Egemen.kz.
«سايلاۋ كۇنى جانە ونىڭ الدىنداعى كۇنى سايلاۋ الدىنداعى كەز كەلگەن ۇگىتكە تىيىم سالىنادى. ول - تىنىشتىق كۇنى. سايلاۋ كوميسسيالارىنىڭ ءۇي-جايىنان جانە داۋىس بەرۋگە ارنالعان ءۇي-جايدان تىس جەرلەردە بۇرىن ىلىنگەن باسقا دا ۇگىت ماتەريالدارى بۇرىنعى ورىندارىندا ساقتالۋى مۇمكىن. ينتەرنەت جەلىسىندە بۇرىنىراقتا جاريالانعان ۇگىت ماتەريالدارى بۇرىنعى ورنىندا ساقتالۋى مۇمكىن. بۇرىن جاريالانعان ماتەريالداردى ينتەرنەت-رەسۋرستىڭ باستى بەتىنە شىعارۋعا رۇقسات بەرىلمەيدى», - دەگەن بولاتىن قر ورتالىق سايلاۋ كوميسسياسىنىڭ مۇشەسى اناستاسيا ششەگورتسوۆا.