وسكەمەندە جاستارعا ارنالعان ۇلكەن مادەني ورتالىق اشىلادى. بۇل تۋرالى شقو اكىمى دانيال احمەتوۆ پەن وسكەمەن قالاسىنىڭ اكىمى جاقسىلىق وماردىڭ 19-شى شاعىن اۋداننىڭ تۇرعىندارىمەن كەزدەسۋى بارىسىندا بەلگىلى بولدى, دەپ حابارلايدى Egemen.kz
دانيال احمەتوۆتىڭ تاپسىرماسى بويىنشا, وسكەمەننىڭ 19-شى شاعىن اۋدانىندا جاستارعا ارنالعان ۇلكەن مادەني كەشەن سالۋ جوسپارلانۋدا, وندا بىرنەشە مۇراجاي, كينوتەاتر, زاماناۋي وقۋ ورتالىقتارى جانە بوس ۋاقىتتى ءتيىمدى وتكىزۋگە مۇمكىندىك بەرەتىن باسقا دا وبەكتىلەر ورنالاستىرىلاتىن بولادى.
«بىزگە قالانىڭ بارلىق تۇرعىندارى مەن قوناقتارى باراتىن وبەكت قاجەت. ادامدار ۇلكەن سۋبۇرقاقتىڭ جانىنداعى باستى الاڭدا عانا جينالماۋى ءتيىس. كومەندانتكا اۋماعىندا جاقسى الاڭ پايدا بولدى, سونىمەن قاتار بىزدە جاياۋ جۇرگىنشىلەر كوشەسى بار. ەندى 19-شى شاعىن اۋداندا دا ۇلكەن نىسان بولۋى كەرەك. ەڭ الدىمەن, ءبىزدىڭ بالالارىمىز ءۇشىن. مۇندا كەرەمەت تاريحي مۇراجاي بولۋى كەرەك, ويتكەنى بىزدە اۋقىمدى ارحەولوگيالىق قازبا جۇمىستارى ءجۇرىپ جاتىر», دەپ اتاپ ءوتتى ءوڭىر باسشىسى.