ەلباسىنىڭ ءباسپاسوز حاتشىسى ايدوس ۇكىباي ءوزىنىڭ تwitter پاراقشاسىندا 8 قاڭتار كۇنى «حابار» ارناسىندا قر تۇڭعىش پرەزيدەنتى تۋرالى «شتريحي ك پورترەتۋ» دەرەكتى ءفيلمىنىڭ جالعاسى كورسەتىلەتىنىن جازدى, دەپ حابارلايدى Egemen.kz
«حابار ارناسىندا 8 قاڭتاردا ساعات 21.45-تە «شتريحي ك پورترەتۋ» دەرەكتى ءفيلمىنىڭ جالعاسى كورسەتىلەدى. ءفيلمنىڭ ءۇشىنشى سەرياسىندا ساياساتقا قاتىستى سۇراقتار از بولادى. كوبىنەسە ەلباسىنىڭ جەكە ءومىرى جانە بۇرىن بەلگىسىز بولىپ كەلگەن دۇنيەلەر ايتىلادى», دەپ جازدى ايدوس ۇكىباي.
«ادامدار كەشىرىمدى, مەيىرىمدى بولىپ, ءبىر-بىرىنە قولۇشىن سوزۋى كەرەك», دەيدى نۇرسۇلتان نازارباەۆ دەرەكتى ءفيلمنىڭ ۆيدەو-انونسىندا.
سونداي-اق ەلباسى ومىردەن وتكەن جيەنى تۋرالى دا ايتادى.
ايتا كەتسەك, نۇرسۇلتان نازارباەۆتىڭ ءباسپاسوز قىزمەتىنىڭ YouTube-پاراقشاسىندا «شتريحي ك پورترەتۋ» دەرەكتى ءفيلمىنىڭ 1-ءشى سەرياسى وتكەن ايدا جاريالانعان ەدى.