باتىس قازاقستان وبلىسىندا ءبىر كۇندە ءۇش ادام وندىرىستىك جاراقات الىپ, بىرەۋى قازا تاپتى, دەپ حابارلايدى Egemen.kz
بقو دەنساۋلىق ساقتاۋ باسقارماسىنىڭ ءباسپاسوز قىزمەتى ءمالىم ەتكەنىندەي, قايعىلى وقيعا كەشە قالاعا جاقىن ورنالاسقان تەرەكتى اۋدانى توقپاي اۋىلىندا بولدى.
ساعات 15.52-دە «قاز-حول» كومپانياسى سالىپ جاتقان تۇرعىن ۇيدە تاس قالاۋشى بولىپ جۇمىس ىستەگەن 47 جاستاعى ەر ادام قۇلاپ, باسىنان جاراقات العان.
ول ەس-ءتۇسسىز كۇيدە وبلىستىق كوپبەيىندى اۋرۋحاناعا اپارا جاتقان كەزدە جەدەل جاردەم كولىگىندە كوز جۇمدى. تاعى ءبىر وقيعا ورال قالاسىندا پەتروۆسكي كوشەسى 105-مەكەنجايىندا بولدى. ساعات 11.54-تە 48 جاستاعى جۇمىسشى بيىكتىگى 3 مەتر توبەدەن قۇلاعان.
باسى مەن ومىرتقاسىنان جاراقات العان ەر ادام وبلىستىق كوپبەيىندى اۋرۋحانانىڭ حيرۋرگيالىق بولىمشەسىنە جەتكىزىلدى. «جاڭگىر حان» ساۋدا ۇيىندە بەينەباقىلاۋ جۇيەسىندە وپەراتور بولىپ جاسايتىن 29 جاستاعى ايەل ساعات 23.00-دە قۇلاپ, شۇيدەسىن سوعىپ العان. ول دا وبلىستىق اۋرۋحانانىڭ جاراقات پۋنكتىنە جەتكىزىلدى.