الماتى قالاسى قوعامدىق دەنساۋلىق باسقارماسىنىڭ باسشىسى ناريمان تابىنباەۆ وڭىرلىك كوممۋنيكاتسيالار قىزمەتى الاڭىندا وتكەن ونلاين-بريفينگتە COVID-19-عا قارسى كۇرەس بويىنشا العاشقى مەديتسينالىق-سانيتارلىق كومەك دەڭگەيىندە الەۋەتتى ارتتىرۋ بويىنشا قابىلدانىپ جاتقان شارالار تۋرالى باياندادى, دەپ حابارلايدى Egemen.kz
ن.تابىنباەۆ اتاپ وتكەندەي, بۇگىندە 691 ادام مەديتسينالىق باقىلاۋدا –278 سيمپتومسىز جانە 413 ناۋقاستا اۋرۋدىڭ جەڭىل بەلگىلەرى بار. سوڭعى ەكى اپتادا وسى ساناتتاعى پاتسيەنتتەردىڭ سانى ءبىر دەڭگەيدە – 650-دەن اسپاعان. جۇقتىرۋدىڭ 7%-عا ءوسۋى جەڭىل جانە ورتاشا اۋىرلىقتاعى سيمپتومدارى بار پاتسيەنتتەردىڭ ەسەبىنەن ءجۇرىپ جاتىر.
الماتى قالاسى قوعامدىق دەنساۋلىق باسقارماسى COVID-19-عا قارسى كۇرەستە العاشقى مەديتسينالىق-سانيتارلىق كومەك دەڭگەيىندە الەۋەتتى ارتتىرىپ وتىر. ەگەر 2020 جىلدىڭ ماۋسىمىندا ءموبيلدى بريگادالاردىڭ سانى 72 بولسا, بۇگىندە ولاردىڭ سانى 298-گە جەتتى. تارتىلعان ماماندار سانى 5 ەسەگە ارتتى.
سونىمەن قاتار, امبۋلاتوريالىق ەمدەلۋدە جاتقان COVID-19 بار پاتسيەنتتەردى جۇرگىزۋدە العاشقى مەديتسينالىق-سانيتارلىق كومەك ۇيىمدارىن قولداۋ ماقساتىندا تەلەمەديتسينا ورتالىعى قۇرىلدى. ونىڭ ماقساتى – وسال ناۋقاستاردى – بۇل قارت ادامدار مەن جاناما اۋرۋلارى بار ناۋقاستاردى قاشىقتىقتان باقىلاۋ جانە كەڭەس بەرۋ. سوڭعى ەكى ايدا 1 قاراشادان 4 قاڭتارعا دەيىن ورتالىق ماماندارى 10 000-عا جۋىق كىرىس قوڭىراۋلارىن قابىلداپ, 40 000-عا جۋىق شىعىس قوڭىراۋلارىن جاسادى.
جۇمىس كوۆيدتى پاتسيەنتتەرگە كوپ كوڭىل بولە وتىرىپ, جوسپارلى پاتسيەنتتەرگە كورسەتىلەتىن مەديتسينالىق قىزمەتتەردىڭ ساپاسىنا اسەر ەتپەيتىندەي ەتىپ قۇرىلعان. كۆي-ءدىڭ تەرىس ناتيجەسى بولعان جاعدايدا ازاماتتار ەمحانا دارىگەرىنىڭ جولداماسى ارقىلى ەم الا الادى. بۇل رەتتە, پتر-تەستىلەۋدى ەمحانا تەگىن جۇزەگە اسىرادى, تەستتىڭ قولدانىلۋ مەرزىمى 5 كۇندى قۇرايدى.
ء«بىز پاتسيەنتتەرگە قانداي قامقورلىق كورسەتسەك, ارىپتەستەرىمىزگە دە سونداي قولداۋ كورسەتەمىز. سوندىقتان پتر جاساي وتىرىپ, ءبىز, ءبىرىنشى كەزەكتە, ولاردىڭ جۇقتىرۋ قاۋپىن ازايتامىز. شۇعىل جاعدايدا اۋرۋحاناعا جاتقىزۋ كەزىندە پتر ستاتسيوناردا جۇرگىزىلەدى», دەدى ن. تابىنباەۆ.