باتىس قازاقستان وبلىسى بوكەي ورداسى اۋدانىنىڭ ورتالىعى سايحىن سەلوسىندا دەنە شىنىقتىرۋ-ساۋىقتىرۋ كەشەنى بوي كوتەردى, دەپ حابارلايدى Egemen.kz.
160 ادامعا ارنالعان عيماراتتا كۇرەس, بوكس, باسكەتبول جانە ۆولەيبول, ۇستەل تەننيسى سەكىلدى ۇيىرمەلەر جۇمىس جاسايدى.
جاڭا جىلدىڭ العاشقى اپتاسىندا پايدالانۋعا بەرىلگەن عيماراتتىڭ اشىلۋ سالتاناتىنا باتىس قازاقستان وبلىسىنىڭ اكىمى عالي ەسقاليەۆ قاتىسىپ, اۋىل تۇرعىندارىن قۇتتىقتادى.
«ۇلتجاندى ۇرپاقتى تاربيەلەۋدە سپورتتىڭ ماڭىزى ەرەكشە. كەڭەس داۋىرىندە وسىنداي شالعاي اۋىلدارعا اسا نازار اۋدارىلماعانى بەلگىلى. ەلىمىز تاۋەلسىزدىك العاننان بەرگى كەزەڭدە اۋدانعا تابيعي گاز قۇبىرى تارتىلدى. ەلباسىنىڭ تاپسىرماسىنا سايكەس وبلىس ورتالىعىمەن جالعاستىراتىن جول سالىنۋدا. وڭىردە قاراشىعاناقتى يگەرىپ جاتقان «قاراشىعاناق پەتروليۋم وپەرەيتينگ ب.ۆ.» كومپانياسىنىڭ قارجىسىنا الەۋمەتتىك نىساندار بوي كوتەرۋدە. سونىڭ ءبىرى – وسى دەنە شىنىقتىرۋ-ساۋىقتىرۋ كەشەنى», دەدى ءوڭىر باسشىسى.
قۇنى 428 ميلليون 531 مىڭ تەڭگە تۇراتىن زاماناۋي سپورت عيماراتى 1274.1 مىڭ شارشى مەتر الاڭدا ورنالاسقان.
كەشەننىڭ اشىلۋ سالتاناتىندا بوكەي ورداسى اۋدانىنىڭ اكىمى نۇرلان راحىمجانوۆ قۇرىلىسقا جاۋاپتى مەردىگەر «ناۋرىز» جاۋاپكەرشىلىگى شەكتەۋلى سەرىكتەستىگى مەن تاپسىرىس بەرۋشى «قاراشىعاناق پەتروليۋم وپەرەيتينگ بيۆي» كومپانياسى باسشىلارىنا اۋدان تۇرعىندارى اتىنان العىس حات تاپسىردى.