4 قاڭتاردا قۇتقارۋشىلار جولدا قالىپ قويعان 15 ازاماتتى جىلىتۋ بەكەتىنە جەتكىزدى, دەپ حابارلايدى Egemen.kz توتەنشە جاعدايلار مينيسترلىگىنە سىلتەمە جاساپ.
4 قاڭتاردا ساعات 02.10-دا كۋرچاتوۆ قالاسىنىڭ قۇتقارۋشىلارىنا الىس جولعا شىعاتىن جۇرگىزۋشىلەر ءوتىنىش ءبىلدىردى.
پاۆلودار وبلىسىنا قاراي بلوك بەكەتىندە ديزەلدى وتىنمەن جۇرەتىن «شانسيمان» ماركالى 7 كولىك جانارمايى قاتىپ قالعاندىعىنان جۇرە الماي, توقتاپ قالعان ەكەن. وقيعا ورنىنا كەلىپ جەتكەن تجب مەن 15-ءوسب قۇتقارۋشىلارى 15 ازاماتتى جىلىتۋ بەكەتىنە جەتكىزىپ, جەرگىلىكتى اتقارۋشى ورگان تاماقتانۋدى ۇيىمداستىردى.