2021 جىلى 601 كوشەگە سىرتقى جارىقتاندىرۋ جۇيەسىن ورناتۋ جوسپارلانعان, دەپ حابارلايدى Egemen.kz.
قالا اكىمى ب. ساعىنتاەۆتىڭ تاپسىرماسىنا سايكەس مەگاپوليستىڭ بارلىق كوشەلەرىنە سىرتقى جارىقتاندىرۋ ورناتۋ جۇمىستارى جالعاسىن تاۋىپ وتىر. الداعى جىلى جارىق پايدا بولاتىن 601 كوشەنىڭ ىشىندە المالى اۋدانىندا - 84, اۋەزوۆ اۋدانىندا - 89, بوستاندىق اۋدانىندا - 155, مەدەۋدە - 273 كوشە بار.
2020 جىلى «جاڭا الماتى» كەشەندى جوسپارى اياسىندا قالانىڭ 2024 كوشەسىنە سىرتقى جارىقتاندىرۋ جەلىلەرى ورناتىلدى.
سونىمەن قاتار, وتكەن جىلى قولدانىستاعى جەلىلەردى مودەرنيزاتسيالاۋ اياسىندا 5,7 مىڭ شام ورناتىلدى, 147 كم كابەل تارتىلدى, 7 نەگىزگى كوشە بويىنا 4,8 مىڭ باعان ورناتىلدى: دوستىق داڭعىلى ء(ال-فارابي داڭعىلىنان مەدەۋگە دەيىن), سايىن كوشەسى (تورايعىروۆ كوشەسىنەن رىسقۇلوۆ داڭعىلىنا دەيىن), گاگارين كوشەسى ء(ال-فارابي داڭعىلىنان تولە بي داڭعىلىنا دەيىن), مومىش ۇلى كوشەسى (شالياپين كوشەسىنەن اقىن سارا كوشەسىنە دەيىن), شالياپين كوشەسى ء(اشىموۆ كوشەسىنەن باستاپ سايىن داڭعىلىنا دەيىن), جانسۇگىروۆ كوشەسى (رىسقۇلوۆ داڭعىلىنان قاپشاعاي جول ايىرىعىنا دەيىن), سولتۇستىك اينالىم كوشەسى (قاپشاعاي جول ايرىعىنان رىسقۇلوۆ داڭعىلىنا دەيىن).
بۇعان دەيىن حابارلانعانداي, 2019 جىلى جارىعى مۇلدەم بولماعان 329 كوشەدە جارىقتاندىرۋ جۇمىستارى جۇرگىزىلدى. سونداي-اق, 8,4 مىڭ جارىق نۇكتەسى ورناتىلدى, 6 اۋداندا 241 كم سىرتقى جارىقتاندىرۋ جەلىلەرى تارتىلدى: الاتاۋ اۋدانىندا - 65 كوشە (2,2 مىڭ جارىق نۇكتەسى), اۋەزوۆ اۋدانىندا - 27 كوشە (712 جارىق نۇكتەسى), بوستاندىق اۋدانىندا - 54 كوشە (830 جارىق نۇكتەسى), جەتىسۋ اۋدانىندا - 55 كوشە (1,4 مىڭ جارىق نۇكتەسى), مەدەۋ اۋدانىندا - 19 كوشە (969 جارىق نۇكتەسى) جانە تۇركسىب اۋدانىندا - 109 كوشە (2,2 مىڭ جارىق نۇكتەسى).
ەنەرگيانى كوپ قاجەت ەتەتىن ناتري شامدارىن SMART جۇيەسىن ورناتۋ مۇمكىندىگى بار زاماناۋي LED شامدارعا اۋىستىرۋ ارقىلى 6 مىڭعا جۋىق شام جاڭارتىلدى, 148 كم كابەل تارتىلدى, 4,8 مىڭ جاڭا تىرەكتەر ورناتىلدى.