شانحايدا 1 قاڭتاردان باستاپ بارلىق ساۋدا ورىندارىندا پوليەتيلەن پاكەتتەرگە تىيىم سالىنادى, دەپ حابارلايدى Egemen.kz Shanghai Daily گازەتىنە سىلتەمە جاساپ.
1 قاڭتاردان باستاپ شانحاي ساۋدا ورتالىقتارىندا, سۋپەرماركەتتەردە, ءدارىحانالاردا, كىتاپ دۇكەندەرىندە جانە باسقا دا ساۋدا ورىندارىندا كەلۋشىلەرگە كاسسادا پوليەتيلەن پاكەتتەردى تەگىن بەرۋ نەمەسە ساتۋ توقتاتىلادى. سونداي-اق جەدەل جەتكىزۋ قىزمەتتەرى ءۇشىن دە اتالعان پاكەتتەردى پايدالانۋعا تىيىم سالىنادى, مەيرامحانالاردا كەلۋشىلەرگە بۇدان بىلاي پلاستيكالىق ىدىس-اياقتار بەرىلمەيدى.
شانحايدىڭ كوپتەگەن دۇكەندەرى جاڭا ەرەجەلەر كۇشىنە ەنگەنگە دەيىن ساتىپ الۋشىلاردىڭ پوليەتيلەن پاكەتتەردى قولدانۋىن شەكتەۋ ءۇشىن الدىن الا شارالار قابىلدادى. جەرگىلىكتى بيلىك پلاستيكالىق قالدىقتار ماسەلەسىن شەشۋ ءۇشىن ۇزاق ۋاقىت جۇمىس ىستەپ كەلەدى. قالا اكىمشىلىگى ءبىر رەتتىك قولدانۋعا ارنالعان پاكەتتەردى شەكتەۋ ساياساتىن 2008 جىلدان باستاپ جۇرگىزە باستادى. 2021 جىلدىڭ 1 قاڭتارىنان باستاپ پوليەتيلەنت پاكەتتەرىنە شەكتەۋ ءوز كۇشىنە ەنەدى. حالىققا قايتا پايدالانۋعا بولاتىن قاعاز پاكەتتەر دايىندالدى.
كەلەسى جىلدىڭ اياعىندا شانحايداعى بارلىق قوناق ۇيلەر ءبىر رەتتىك پلاستيكتەن باس تارتۋى كەرەك. شانحاي پوشتا قىزمەتى مەن ەكسپرەسس-جەتكىزۋ كومپانياسى بىرنەشە جىل بويى بۇزىلمايتىن پلاستيكتەن جاسالعان پاكەتتەر مەن وراۋىش تاسپالاردان تولىعىمەن باس تارتادى.