2020 جىلدىڭ 26 جەلتوقسانىندا الماتى قالاسى اكىمىنىڭ ورىنباسارى ەرجان باباقۇماروۆ ء«ۇمىت ۇيىنە» بارىپ, قالالىق ءبىلىم, قوعامدىق دەنساۋلىق باسقارمالارى وكىلدەرىنىڭ قاتىسۋىمەن قالالىق قامقورشىلىق كەڭەسىنىڭ وتىرىسىن وتكىزدى, دەپ حابارلايدى Egemen.kz.
وتىرىس بارىسىندا قيىن ومىرلىك جاعدايداعى جالعىز باستى انالار مەن اكەلەرگە كومەك كورسەتۋ مۇمكىندىكتەرى قاراستىرىلدى. ءتيىستى باسقارمالار مەن اۋدان اكىمدىكتەرىنە جۇمىسقا ورنالاسۋعا جاردەمدەسۋ, ونىڭ ىشىندە مەملەكەتتىك جانە سالالىق باعدارلامالار اياسىندا, سونداي-اق مەديتسينالىق جانە ءبىلىم بەرۋ قىزمەتتەرىمەن قامتۋ بويىنشا شارالار قابىلداۋ تاپسىرىلدى.
بۇگىندە ءۇمىت ۇيىندە جاڭا تۋعان بالالاردان باستاپ, 7 جاسقا دەيىنگى بالالار ۋاقىتشا تاربيەلەنۋدە. مەكەمە جۇمىس ىستەگەلى مۇندا 604 تاربيەلەنۋشى وقىتىلدى. فيزيكالىق, پسيحولوگيالىق جانە ادامگەرشىلىك-رۋحاني دامۋىن ەسكەرە وتىرىپ, ولاردىڭ مەكتەپكە دەيىنگى ءبىلىم جانە تاربيە الۋىنا جاعداي جاسالعان.