ابدىقالىقوۆا بىرنەشە نىساننىڭ اشىلۋىنا قاتىستى

جاڭا اۋىز سۋ نىسانى قۇرىلىسىنىڭ سمەتالىق قۇنى 401 ملن تەڭگەنى قۇرايدى. وبلىس اكىمى قۇرىلىس جۇمىسىن ساپالى ورىنداعانى ءۇشىن مەردىگەر كومپانياعا العىسىن ءبىلدىردى.

سودان كەيىن وبلىس اكىمى شيەلى كەنتىندەگى «كوكشوقى» مولتەك اۋدانىنان تۇرعىندارعا 3 قاباتتى 18 پاتەرلى تۇرعىن ءۇيدى تابىستادى. تۇرعىن ءۇي قۇرىلىسىنا وبلىستىق بيۋدجەتتەن 176 ملن تەڭگە قارجى ءبولىنىپ, باس مەردىگەر «سمپ-قىزىلوردا» جشس تاراپىنان قۇرىلىس-مونتاجداۋ جۇمىستارى جۇرگىزىلگەن. قۇرىلىستىڭ جەر كولەمى 1,76 گەكتار, ال عيماراتتىڭ جالپى اۋدانى 60 شارشى مەتردى قۇرايدى.

باسپانالى بولعانداردىڭ ءبىرى, 8 بالانىڭ اناسى مارال داستانوۆا وبلىس اكىمىنە تۇرعىندار اتىنان العىس ءبىلدىردى. قونىس تويىن تويلاعان تۇرعىندارعا اۋدان ارداگەرى جاقاي ساقباەۆ باتا بەرىپ, ەل يگىلىگى جولىنداعى ەلەۋلى ىستەرگە ريزاشىلىعىن جەتكىزدى.

اكىم ساپارى بارىسىندا جول ۇستىنەن سوعىلعان اۆتوموبيل كوپىرى قۇرىلىسىنىڭ اشىلۋ سالتاناتىنا قاتىستى. شيەلى ستانتسياسىنىڭ «شيەلى-20 بەكەت» ۋچاسكەسىندەگى اۆتوموبيل جولى كوپىرى «جۇمىسپەن قامتۋ جول كارتاسى» اياسىندا سالىنعان. جوباعا 673 ملن تەڭگە قارجى ءبولىنىپ, قۇرىلىسقا 75 ادام, 18 تەحنيكا جۇمىلدىرىلدى. كوپىردىڭ ۇزىندىعى 60 مەتر, ەنى 11 مەتر, جولدىڭ جالپى ۇزىندىعى 1,2 شاقىرىم.

مۇنان كەيىن ايماق باسشىسى جاڭاتۇرمىس اۋىلدىق وكرۋگىنە بارىپ, «جۇمىسپەن قامتۋدىڭ جول كارتاسى» باعدارلاماسى اياسىندا ىسكە اسقان تۇرعىن ۇيلەردى گازعا قوسۋ ءراسىمىن كورىپ, ەلدىڭ كوپتەن كۇتكەن باستامالى ىسكە ساتتىلىك تىلەدى.

«بۇگىن ءبىز اۋدانداعى تاعى ءبىر يگىلىكتى ءىستىڭ كۋاسى بولعالى تۇرمىز. وزدەرىڭىز بىلەسىزدەر, بۇعان دەيىن جىل سايىن ەسەپ بەرۋ كەزدەسۋىندە اۋىل حالقىنىڭ كوتەرىپ جۇرگەن ەڭ باستى ماسەلەسى اۋىلعا كوگىلدىر وتىن تارتۋ بولاتىن. مىنە, بۇگىن سول ماقساتقا قول جەتكىزىپ, تابيعي گازدى سالتاناتتى تۇردە قوسقالى تۇرمىز. قۇنى 204 ملن تەڭگە بولاتىن بۇل جوباعا وبلىستىق بيۋدجەتتەن قارجى ءبولىنىپ, جاڭاتۇرمىس اۋىلدىق وكرۋگى بويىنشا 205 تۇرعىن ءۇي تابيعي گازبەن قامتاماسىز ەتىلەدى», دەدى گۇلشارا ابدىقالىقوۆا.

شارا بارىسىندا ارنايى قوندىرعىدان الاۋ جاعىلىپ, جاڭاتۇرمىس حالقىنىڭ تۇرعىن ۇيلەرى گازعا قوسىلدى.

ايتۋ كەرەك, بيىل اۋدان ورتالىعى شيەلى كەنتى 100 پايىز گازبەن قامتىلعان. جاقاەۆ ەلدى مەكەنىندە 260, بيدايكول ەلدى مەكەنىندە 210 جەكە تۇرعىن كوگىلدىر وتىنعا قوسىلعان. الداعى ۋاقىتتا ن.بەكەجانوۆ, قودامانوۆ, اقمايا, العاباس ەلدى مەكەندەرىن گازداندىرۋ بويىنشا جۇمىستار جالعاسادى.