جاڭا قاۋلى شىقتى: وقۋشىلار مەن ستۋدەنتتەر قالاي وقيدى

جاڭا قاۋلىدا 2020-2021 وقۋ جىلىنىڭ ءۇشىنشى توقسانىنان باستاپ 300 وقۋشىعا دەيىنگى كونتينگەنتى بار قالالىق جانە اۋىلدىق مەكتەپتەردە ءداستۇرلى فورماتتا وقىتۋعا بولادى دەلىنگەن. بىراق ول جەردەگى بالالار سانى 15 ادامنان اسپاۋى كەرەك.

سونداي-اق, جالپى ءبىلىم بەرەتىن مەكتەپتەردە كەزەكشى سىنىپتاردا, 1-دەن 5-كە دەيىنگى سىنىپتاردا, حالىقارالىق مەكتەپتەردە – اتا-انالارىنىڭ قالاۋى بويىنشا 15-تەن اسپايتىن سىنىپتاردىڭ تولىق جيىنتىعىن ەسكەرە وتىرىپ, 7-سىنىپقا دەيىن ءبىلىم بەرۋ ءداستۇرلى فورماتتا جۇرگىزىلەدى.

"ال وقۋ بىتىرەتىن سىنىپتار (9, 11 (12) سىنىپتار) ءۇشىن اپتانىڭ 6 كۇنى ىشىندە ارالاس وقىتۋعا: پاندەردىڭ 70%-ءىن شتاتتىق رەجيمدە, 30%-ءىن قاشىقتىقتان وقىتىلادى. بىراق سىنىپتا 15 ادامنان ارتىق ەمەس, الەۋمەتتىك قاشىقتىق ساقتالىپ, 1 سىنىپ – 1 كابينەت قاعيداتى بويىنشا وقىتىلۋى ءتيىس. سونىمەن قاتار, ءبىر ۋاقىتتا مەكتەپتە جوبالىق قۋاتتىڭ 30%-ىنەن اسپايتىن ادام بولىپ, سانيتاريالىق-دەزينفەكتسيالىق رەجيم ساقتالىپ, ماسكا رەجيمى كۇشەيتىلۋى كەرەك", دەدىنگەن قاۋلىدا.  

ال  ەكىنشى سەمەستردەن باستاپ كوللەدجدەر مەن جوعارى وقۋ ورىندارىنىڭ ءبىرىنشى كۋرس ستۋدەنتتەرى ءۇشىن كۇندىزگى وقىتۋ قايتا قولعا الىنادى.