اتىراۋ وبلىسىنىڭ قۇرمانعازى اۋدانىندا 60 جاستاعى ەر ادام جوعالىپ كەتكەن ەدى. ول 21 جەلتوقساننان بەرى ءالى تابىلعان جوق, دەپ حابارلايدى Egemen.kz.
«25 جەلتوقساندا «كازاۆياسپاس» اق اتىراۋ فيليالىنان «ەۆروكوپتەر-145 ەس-028» تىكۇشاعى تارتىلىپ, شورتانباي, كوپتوعاي اۋىلدىق وكرۋگتەرى اۋماعىندا اۋەدەن ىزدەستىرۋ جۇمىسىن جۇرگىزدى. اۋەدەن راديۋسى 60 شاقىرىمداي بولاتىن ايماق قارالدى» دەپ حابارلادى وبلىستىق توتەنشە جاعدايلار دەپارتامەنتىنىڭ ءباسپاسوز قىزمەتى.
سونداي-اق ىزدەستىرۋ جۇمىسىنا 57 ادام مەن 3 تەحنيكا جۇمىلدىرىلدى. الايدا جوعالعان ادام ازىرگە تابىلعان جوق.