ماڭعىستاۋ وبلىسىندا 2020 جىلى 24 جەلتوقساندا قوعامدىق بايقاۋ كوميسسياسىنىڭ مۇشەلەرى رولان ابكادىروۆ جانە الەكساندر مۋحا ماڭعىستاۋ وبلىسى بويىنشا قاج دەپارتامەنتىنىڭ مەكەمەلەرىن ارالاپ شىقتى, دەپ دەپ حابارلايدى Egemen.kz.
ارالاۋ بارىسىندا سوتتالعانداردىڭ جاتاتىن ورىندارى, مەكەمەنىڭ اسحانالارى, مەديتسينالىق-سانيتارلىق قامتاماسىز ەتۋ, قاتاڭ جاعدايدا ۇستاۋ ورىندارى, كەزدەسۋ بولمەلەرى تەكسەرىلدى, دەپ حابارلايدى اتالعان ۆەدومستۆونىڭ ءباسپاسوز قىزمەتى.
قوعامدىق بايقاۋ كوميسسياسىنىڭ مۇشەلەرى مەكەمەلەردى ارالاۋ بارىسىندا سوتتالعانداردىڭ قولجەتىمدى ورىندارىنا (جاساقتارعا) ادام قۇقىقتارى جونىندەگى ۋاكىل ەلۆيرا ازيموۆاعا, قوعامدىق بايقاۋ كوميسسيالارىنا, ۇلتتىق الدىن الۋ تەتىگىنە, سونداي-اق پروكۋراتۋراعا جولداۋ ءۇشىن ارىز-شاعىم سالۋعا ارنالعان جاشىكتەردىڭ بار-جوعىنا, جاساقتارداعى سوتتالعانداردىڭ جاتىن ورىندارىنىڭ جاي-كۇيىنە ەرەكشە نازار اۋداردى.
سوتتالعاندارمەن سۇحبات جۇرگىزىپ, جەكە سۇراقتارىمەن جۇگىنگەن سوتتالعانداردى قابىلدادى.
مەكەمەلەردى ارالاۋ بارىسىندا كوميسسيا مۇشەلەرىنىڭ جانىندا قاج دەپارتامەنتى باستىعىنىڭ ورىنباسارى ادىلەت پودپولكوۆنيگى قانات جارىلعاپوۆ, مەكەمە باستىقتارى مەن ولاردىڭ ورىنباسارلارى, تاربيە جانە رەجيم بولىمدەرىنىڭ باستىقتارى بىرگە ءجۇردى.
ارالاۋ قورىتىندىسى بويىنشا كوميسسيا مۇشەلەرى مەكەمە قىزمەتىنە قاناعاتتانارلىق دەگەن باعا بەرىپ, جازباشا نە بولماسا اۋىزشا ۇسىنىمدار قالدىرمادى.