تەننيسشىلەردىڭ الەمدىك رەيتينگى قايتا جاڭارتىلدى. جەرلەستەرىمىزدىڭ دەنى اتر جانە WTA تىزىمدەرىندەگى وزدەرىنىڭ بۇعان دەيىنگى ورىندارىن ساقتاپ قالدى.
اتاپ ايتساق, ايەلدەر اراسىنداعى ەلىمىزدىڭ ءبىرىنشى راكەتكاسى ەلەنا رىباكينا 19-ورىندى ولجالاۋدا. قازاقستاندىق تەننيسشىلەر اراسىنداعى ەڭ ۇزدىك ناتيجە ازىرگە وسى. يۋليا پۋتينتسەۆا 28-ورىنعا جايعاسسا, زارينا دياس 80-ساتىعا تابان تىرەدى. قازىرگى كەزدە WTA تىزىمىندە اۋستراليالىق ەشلي بارتي جەكە-دارا كوش باستاپ تۇر.
ەرلەر اراسىندا بۇگىنگى تاڭدا سەربيانىڭ ساڭلاعى نوۆاك دجوكوۆيچكە تەڭ كەلەر ەشكىم جوق. ال «توپ-100» ويىنشىنىڭ قاتارىنا قازاقستاننىڭ قوس وكىلى ەنىپ وتىر. ولار – الەكساندر بۋبليك (50-ورىن) پەن ميحايل كۋكۋشكين (89-ورىن).