ورال قالاسىندا وقۋشىلار مەن جاستار اراسىندا ايماقتىق اقىندار ايتىسى ءوتتى. «تاۋەلسىزدىككە تارتۋ» اتتى سايىسقا باتىس قازاقستان وبلىسىنىڭ اۋداندارىنان جانە اقتوبە مەن ورال قالالارىنان 6 جۇپ اقىن قاتىستى.
قادىر مىرزا ءالي اتىنداعى باتىس قازاقستان وبلىستىق مادەنيەت جانە ونەر ورتالىعى, ايتىس اقىندارى مەن جىرشى-تەرمەشىلەردىڭ حالىقارالىق وداعىنىڭ وڭىرلىك فيليالى مەن ورال قالاسىنىڭ اكىمدىگى, ورال قالاسىنىڭ اقپاراتتىق-تالداۋ جانە جاستارمەن جۇمىس جونىندەگى رەسۋرستىق ورتالىقتىڭ ۇيىمداستىرۋىمەن وتكەن ايتىسقا اقىن باۋىرجان حاليوللا, اقىن داريعا مۇشتانوۆا, بەلگىلى ايتىس اقىنى, جۇبانتانۋشى ۇزىلدىك ەلەۋبايقىزى, «اقبەرەن» جاس اقىندار مەكتەبىنىڭ جەتەكشىسى تالاپ تايماس ۇلى, ايتىسكەر اقىن ەرىكقالي احمەتوۆ, ايتىس اقىنى, جۋرناليست ەرتاي بيمۇحانوۆ قازىلىق ەتتى.
ايتىس شارتى بويىنشا ورىنبەك مەڭدىقۇل, مۇرادىم ميرلانوۆ, اينابەك بيسەنعاليەۆ, جارقىنبەك شىنتاەۆ, بەكبولات قالەنوۆ سىندى تانىمال اقىندار وسى ونەرگە جاڭا قادام باسقان جاستارمەن جۇپ قۇرادى. قازىلار تەك جاس اقىنداردىڭ ونەرىن باعالادى. ناتيجەسىندە, ايماقتىق ايتىستىڭ باس جۇلدەسىن قاراتوبەلىك رايىمبەك وتەپوۆ پەن ورالدىق ءادىل احمەتوۆ ءبولىستى. اقتوبە قالاسىنان كەلگەن ساعىنىش سمەت پەن تەرەكتىلىك نۇردانا تەمىر ءىى ورىنعا يە بولدى. سىرىمدىق نۇرىم امانگەلدى مەن اقجايىقتىق ابزال ناۋرىزعالي ءۇشىنشى ورىنعا تۇراقتادى. جاس اقىندار باعالى سىيلىقتارمەن ماراپاتتالدى. ايتىسقا ورال قالاسىنىڭ اقپاراتتىق-تالداۋ جانە جاستارمەن جۇمىس جونىندەگى رەسۋرستىق ورتالىقتىڭ باسشىسى دۋلات جۇسىپقاليەۆ, «Marhaban» شىعىس اسحاناسى ءدامحاناسىنىڭ يەسى اسەت سۇلتان ۇلى, جەكە كاسىپكەرلەر ايبات مىرزاعاليەۆ پەن ازامات امانگەلدى ۇلى دەمەۋشىلىك جاسادى.
ءىس-شارا سوڭىندا ورال قالاسى اكىمىنىڭ ورىنباسارى باقىتجان نارىمبەتوۆ ساحناعا شىعىپ, ايتىستى ۇيىمداستىرۋشىلارعا شاھار باسشىسى اتىنان العىسحات پەن ەستەلىك سىيلىق تابىس ەتتى.
باتىس قازاقستان وبلىسى