تاۋەلسىزدىك مەرەكەسىنە وراي قاراعاندى وبلىسىندا «مەنىڭ تۋىم. مەنىڭ وتانىم!» بۇقارالىق چەللەندجى ءوتتى. ءىس-شارا بارىسىندا تۇرعىن ۇيلەردىڭ تەرەزەلەرى مەن بالكوندارىنا قازاقستان تۋى ءىلىندى. اتالعان اكتسيا سانيتارلىق-ەپيدەميالىق تالاپتاردى قاتاڭ ساقتاي وتىرىپ ۇيىمداستىرىلدى.
16 جەلتوقسان كۇنى ساعات 10.00-دە قاراعاندى قالاسىندا باستالعان «مەنىڭ تۋىم. مەنىڭ وتانىم!» چەللەندجى وبلىستىڭ بالقاش, جەزقازعان, ساتباەۆ, ساران جانە شاحتينسك قالالارىندا جالعاسىن تاپتى.
چەللەندج بارىسىندا كەنشىلەر استاناسىنداعى «قاراعاندى» قوناق ءۇيىنىڭ بالكوندارىنا 20-عا جۋىق تۋ ءىلىنىپ, جاستار اتالعان چەللەندجدى بالقاش قالاسىنا جولدادى.
سونىمەن قاتار 17-18 جەلتوقسان كۇندەرى اباي اۋدانىندا 20-عا تارتا اۆتوكولىكتەرمەن اۆتو-موتوشەرۋ ۇيىمداستىرىلدى. وبلىستىڭ اقتوعاي, شەت, جاڭاارقا اۋداندارىندا جاستار اتقا قونىپ, تۋ كوتەرىپ, باستى كوشەلەردە چەللەندجدىڭ كورىگىن قىزدىردى. اتالعان چەللەندجگە تۇرعىندار زور قىزىعۋشىلىق تانىتىپ, الەۋمەتتىك جەلىلەردە دە جاپپاي قولداۋعا يە بولعانىن ايتا كەتكەن ءلازىم.
سونداي-اق 17-18 جەلتوقسان كۇندەرى وبلىستىڭ قالعان قالالارى مەن اۋداندارى اتالعان چەللەندجدى جالعاستىردى.
اكتسيا اياسىندا «تابىسقا باستايتىن جول» ونلاين-چەللەندجى, «مەنىڭ تۋعان ولكەم. وركەندەۋ مەن تابىس سەرپىنى» ونلاين-مارافونى ۇيىمداستىرىلدى. وبلىسقا تانىمال, تاۋەلسىزدىككە ەلەۋلى ۇلەس قوسقان بەلگىلى قازاقستاندىقتاردىڭ, ەڭبەك ارداگەرلەرىنىڭ, جاستار وكىلدەرىنىڭ بەينەقۇتتىقتاۋلارى الەۋمەتتىك جەلىلەردە, LED ەكراندار ارقىلى كورسەتىلدى.
قاراعاندى وبلىسى