Forbes جۋرنالى 2020 جىلدىڭ قورىتىندىسى بويىنشا ماتەريالدىق تۇرعىدان ەڭ كوپ تابىس تاپقان تۇلعالاردىڭ ءتىزىمى جاريالادى. سولاردىڭ قاتارىندا بەس سپورتشى بار.
سپورتشىلار قاۋىمى اراسىنداعى ەڭ باي-قۋاتتىسى رودجەر فەدەرەر ەكەن. بيىلعى جىلى اتاقتى شۆەيتساريانىڭ تەننيسشىسى 106,3 ميلليون اقش دوللارى مولشەرىندە تابىس تاۋىپ, Forbes تىزىمىندە ءۇشىنشى ورىنعا جايعاستى. ءتورتىنشى جانە بەسىنشى ورىنداردا جاسىل الاڭدا جاسىنداي جارقىراپ جۇرگەن قوس جۇلدىز – كريشتيانۋ رونالدۋ مەن ليونەل مەسسي تابان تىرەدى. پورتۋگاليالىق فۋتبولشى 105 ميلليونعا بايىسا, ارگەنتينالىق سۇرمەرگەنىنىڭ ودان ءبىر ميليونى عانا كەم.
سونداي-اق, مول ولجاعا كەنەلگەن سپورتشىلار تىزىمىندە برازيليالىق فۋتبولشى نەيمار (7 ورىن, 95,5 ميلليون) مەن امەريكالىق باسكەتبولشى لەبرون دجەيمس (9 ورىن, 88,2 ميليون) سىندى ساڭلاقتار بار.