تاۋەلسىزدىك كۇنى ءبىلىم بەرۋ سالاسىنىڭ قىزمەتكەرلەرىنە جاڭا پاتەرلەردىڭ كىلتتەرىتابىستالدى. 18 جىلدىق تاجىريبەسى بار وقىتۋشى, كوپبالالى انا لاۋرا وتەپبەرگەنوۆا دا ەندى نۇر-سۇلتان قالاسىنداعى جاڭا پاتەردىڭ يەسى اتاندى.
«مۇعالىمدەر مەن وقىتۋشىلاردى ۇمىتپاعاندارى ءۇشىن ۇلكەن راحمەت ايتامىن. ءبىزبۇل كۇندى اسىعا كۇتتىك. پاتەر وتە جىلى, ىڭعايلى», - دەدى وقىتۋشى لاۋرا وتەپبەرگەنوۆا.
ءۇش بالانىڭ اناسى باعيلا يدريسوۆا دا ەلورداداعى جاڭا پاتەردىڭ كىلتىن الدى. پاتەردىڭ كىلتىن تاپسىراتىنى تۋرالى حابارلاعان كەزدە قاتتى قۋانعانىن جاسىرمادى.
«تۇرعىن ءۇي كەزەگىندە تۇردىق. بۇكىل وتباسىمىزبەن وتە قۋانىشتىمىز. ماعان: «كەلىپ, پاتەردى تاڭداپ الىڭىز», دەپ حابارلاعاندا, باقىتتان جىلاپ جىبەردىم. قازىر ءبىزدىڭ پاتەرىمىز بار ەكەنىنە وتە قۋانىشتىمىن», - دەپ اعىنان جارىلدى پەداگوگ باعيلا ىدىرىسوۆا.
پەداگوگتەر تۇرعىن ءۇيدى «نۇرلى جەر» مەملەكەتتىك باعدارلاماسى اياسىندا جانە بىلىمجانە عىلىم مينيسترلىگى مەن «قازاقستانيپوتەكالىق كومپانيا» اق اراسىنداعى مەموراندۋم شەڭبەرىندە الدى.
«بۇگىن ەلىمىزدىڭ ەڭ باستى مەرەكەسى – قازاقستان رەسپۋبليكاسىنىڭ تاۋەلسىزدىك كۇنى ءبىزدىڭ ارىپتەس-پەداگوگتەرىمىز جاڭا پاتەرلەردىڭ كىلتتەرىن الۋدا. اقتوبە, اقتاۋ, الماتى, قاراعاندى قالالارىندا دا شامامەن ەكى جۇزدەن استام پەداگوگ پاتەرگە يەبولدى. ءبىز وسى مەرەكە كۇنى ارىپتەستەرىمىزدىڭ جاڭا پاتەرلەرگە ورنالاسقانىنا وتە قۋانىشتىمىز. ارينە, ەندى ءبىزدىڭ ارىپتەستەرىمىز تۇرعىن ءۇي ماسەلەلەرىنە الاڭدامايتىن بولادى. بۇل – بارشامىز ءۇشىن ۇلكەن قۋانىش», - دەدى ءبىلىم جانە عىلىم ۆيتسە-ءمينيسترى شولپان كارينوۆا.