كەلەشەك كەڭەيۋ جوباسى

ارينە قوماقتى ينۆەستيتسيا يگە­رىلسە عانا يگىلىگىن ەل كورەدى. وسى تۇر­عى­دان ايتقاندا, تورتكۇل دۇنيەدەگى مۇناي الپاۋىت­تارى كوز تىككەن كەن ورنىنداعى كەلەشەك كەڭەيۋ جوباسىنا 45 ملرد اقش دوللارى كولەمىندە ينۆەستيتسيا سالىندى. «تەڭىز­شەۆرويل» جشس باسشىلارىنىڭ مالىمەتىنشە, اتالعان جوبا ىسكە قوسىلعاندا كەن ورنىنان مۇناي ءوندىرۋ جىلىنا 12 ملن تونناعا دەيىن ۇلعايادى. 2023 جىلى ىسكە قوسىلاتىن جوباعا 300-گە جۋىق قازاق­ستاندىق كومپانيا مەردىگەرلىككە تارتىلدى. بۇگىندە بۇل جوبادا وتاندىق 27 مىڭ مامان جۇمىس ىستەپ ءجۇر.

قازىر «تەڭىزشەۆرويل» مۇناي وندىرۋمەن بىرگە كەلەشەك كەڭەيۋ جوباسىنا باسا ءمان بەرىپ وتىر. وتكەن اپتادا جوباعا قاجەتتى 408 ءمودۋلدى جەتكىزۋدىڭ ءۇش جىلدىق باع­دارلاماسى ءساتتى اياقتالدى.

– «تەڭىز» كەن ورنىنا مودۋلدەردى تاسى­مالداۋدىڭ اياقتالۋى – قازاق­ستان­دىق كومپانيالاردىڭ تەڭىز لوگيس­تي­كا­سى مەن مەتالل كونسترۋكتسيالارىن ءوندى­رۋ سالاسىنداعى باسەكەگە قابىلەت­تىلىگى دالەلدەنگەن وراسان زور جەتىستىك. نارىق­تىق شارتتاردىڭ كۇر­دە­لىلىگىنە, پاندە­ميانىڭ تەرىس اسەرى مەن تەڭىز لوگيستيكاسى وپەراتسيا­لارى­نىڭ عالامدىق اۋقىمىنا قاراماس­تان سەرىكتەس­تەرىمىزدىڭ ءۇمىتىن اقتا­دىق. جوبانى ودان ءارى ءساتتى جالعاستىرۋ ءۇشىن ەل ۇكىمەتىمەن, جەر­گى­لىكتى اتقارۋ­شى ورگان­دارمەن, ىسكەرلىك باعىت­تاعى سەرىك­ت­ەستەرىمىزبەن  ىنتى­ماق­تاس­تىق­تى جال­عاستىرا بەرەمىز, – دەيدى «تەڭىز­شەۆرويل» جشس-ءنىڭ باس ديرەكتورى يمەر بوننەر.

ونىڭ ايتۋىنشا, بارلىق مودۋل جوس­پارعا سايكەس ۋاقىتىندا جەتكىزىلدى. بۇل ەندى كەن ورنىنداعى ورناتۋ, وزگە دە قۇرىلىس جۇمىستارىن ودان ءارى جالعاستىرۋعا جول اشىلدى. ويتكەنى كەلەشەك كەڭەيۋ جوباسى – قازاقستان ءۇشىن ماڭىزدى جوبا. جوبانى جۇزەگە اسىرۋ بىلىكتىلىگى جوعارى جۇمىس كۇشىن, حالىقارالىق كومپانيالارمەن سەرىكتەستىك ارقىلى ەنگىزىلگەن تەحنولوگيالاردى, سونداي-اق جاڭعىرتىلعان ينفراقۇرىلىمدى قالىپتاستىرادى.

اتالعان جوبا ىسكە اسىرىلا باستا­عاننان بەرى قازاقستاندىق تاۋارلاردى, جۇمىستار مەن قىزمەتتەردى ساتىپ الۋعا 10,3 ميللياردتان استام اقش دول­لارى جۇمسالدى. قازىر جوبادا جۇ­مىس ىستەيتىندەردىڭ شامامەن 91 پايى­زىن قازاقستاندىق ماماندار قۇراپ وتىر. «تەڭىزشەۆرويل» ينجەنەرلىك, ماتە­ريال­دىق-تەحنيكالىق, وندىرىستىك قىز­مەتتەردى كورسەتۋگە قازاقستاندىق كوم­پانيالاردى جۇمىلدىرۋدا. كەلە­شەك كەڭەيۋ جوباسىنا قاتىسۋ ءۇشىن 2 350-دەن استام قازاقستاندىق كومپانيا الدىن الا ىرىكتەلىپ الىنىپتى. ولاردىڭ 1 281-ءى الدىن الا بىلىكتىلىكتەن ءوتىپ, نا­تي­جەسىندە قازاقستاندىق كومپانيالار­مەن 630-دان استام كەلىسىمشارت جاسالدى.

ال ارقايسىسى 500-دەن 1 800 تون­ناعا جەتەتىن مودۋلدەر قازاق­ستاندا, وڭ­تۇستىك كورەيا مەن يتاليادا دايىندالىپ, رەسەيدىڭ ىشكى سۋ جولى جۇ­يەسى ارقىلى كاس­پي تەڭىزىنىڭ پرورۆا تۇبەگىندەگى جۇك ءتۇ­سىرۋ تەرمينا­لىنا تاسىمالدانىپتى. بار­لىق مودۋل­دىك جۇكتىڭ جالپى سال­ماعى 280 مىڭ مەتريكالىق توننانى قۇ­رادى. قازاق­ستاندىق ەrsai, KCOI كومپا­نيالارى ماڭعىستاۋ وبلىسىندا حالىق­ارالىق ستاندارتتارعا سايكەس 75 قۇراس­تىرمالى مودۋلدىك ەستاكادا مەن 10 قا­شىقتان باقىلاۋ بلوگىنىڭ قۇرىلىسىن اياقتاپ, تەحنيكالىق الەۋەتى مەن كاسىبيلىگىن دالەلدەدى.

جۇمىستىڭ ۇدەمەلى كەزىندە 120-دان استام كەمە پايدالانىلدى. ونىڭ ىشىندە 40 كەمە جاڭادان قۇراستىرىلىپ, كەيبىرى وسى جوبا ءۇشىن ارنايى وزگەرتىلدى. قازاقستاندىق «كازتەڭىزترانسفلوت» كومپانياسى كاسپي تەڭىزىندەگى تاسىمالدى جۇزەگە اسىردى. كەمەلەر قازاقستان مەن باسقا نۇكتەلەر اراسىندا 140 مىڭ شاقىرىمنان استام قاشىقتى ءجۇزىپ ءوتتى. بۇل جوبانىڭ تاعى ءبىر ەرەكشەلىگى – «تەڭىز» كەن ورنى ماڭىنداعى پرورۆا تۇبەگى. مۇندا مودۋلدىك جۇكتى قابىلداۋ, ودان ءارى تاسىمالداۋ ءۇشىن سالىنعان جاڭا باعىت ءتۇزىلدى. پرورۆا تۇبەگىندە ۇزىندىعى 71 شاقىرىمدى قۇرايتىن تەڭىزگە كىرۋ ارناسى, جۇك ءتۇسىرۋ, ساقتاۋ قوندىرعىلارى مەن كىرمە جول بار.

وسىنداي ءىرى جوبانى ىسكە اسىرۋ­عا كىرىسكەن «تەڭىزشەۆرويل» جشس باس ديرەك­تورىنىڭ ورىنباسارى ايبەك كرام­باەۆتىڭ مالىمەتىنە سۇيەنسەك, شەتەلدىك ماماندار قۇرامى بۇرىن­عىدان ازايا باستادى. سونىڭ ەسەبىنەن قازاقستاندىق مامانداردىڭ سانى ءوسىپ كەلەدى. ولاردىڭ ۇلەسى بىلتىر جەلتوقساندا 82% بولسا, بيىل جىل سوڭىنا دەيىن 88%-عا جەتەدى. بۇل ورايدا ارينە وتاندىق كادرلاردىڭ بىلىك­تىلىگىنە باسا نازار اۋدارىلىپ وتىر. ماسەلەن, 2007 جىلدان بەرى 198 قازاقستاندىق قىز­مەتكەر شەتەل­دىكتەردى الماستىرىپتى. ونىڭ ىشىندە نەگىزگى تەحنيكالىق لاۋا­زىم­عا 87, ال باسشىلىق لاۋازىمعا كوتەرىلگەن 111 وتانداسىمىز بار. بۇدان باسقا تاعى­لىم­­دامادان ءوتۋ ءۇشىن حالىقارالىق جانە جەر­گىلىكتى تاعايىنداۋلارداعى قازاق­ستان­دىق قىزمەتكەرلەردىڭ ۇلەسى 10 ادامعا كوبەيىپ وتىر. قازاقستاندىق قىزمەت­كەرلەر فيليپپين, قىتاي, وڭتۇستىك كورەيا, اقش, ۇلىبريتانيا سياقتى ەل­دەرگە جىبەرىلدى. سونداي-اق 2 مىڭ­نان استام قىزمەتكەر بىلىك­تىلىكتى ارتتىرۋ باعدارلامالارىنا قا­تىستى.

اتىراۋ وبلىسى