سەنات دەپۋتاتى دينار نوكەتاەۆا ۆيدەوكونفەرەنتس بايلانىسى ارقىلى ورتالىق ازيا جانە اۋعانستان ەلدەرىندە ايەلدەر مەن قىزدارعا قاتىستى زورلىق-زومبىلىقتىڭ بارلىق ءتۇرىن جويۋعا ارنالعان "Spotlight Initiative" جاڭا ايماقتىق باعدارلامانىڭ تۇساۋكەسەر راسىمىنە قاتىستى, دەپ حابارلايدى Egemen.kz
"Spotlight" ("جارىق ساۋلەسى") باستاماسى 2030 جىلى ايەلدەرگە قاتىستى زورلىق-زومبىلىقتىڭ بارلىق ءتۇرىن جويۋ ءۇشىن ەۋروپالىق وداق پەن بىرىككەن ۇلتتار ۇيىمى اراسىندا جاھاندىق ۇزاق مەرزىمدى سەرىكتەستىكتى ۇسىنادى.
ايماقتىق باعدارلاما ورتالىق ازياداعى بەس مەملەكەت پەن اۋعانستانداعى 35 ميلليونعا جۋىق ايەل مەن قىزدارعا قاتىستى زورلىق-زومبىلىققا توسقاۋىل قويۋعا ارنالعان بىرلەسكە ءىس-قيمىلدى كۇشەيتۋدى كوزدەيدى.
باعدارلاما اياسىندا مەملەكەتتەر اراسىندا تاجىريبە الماسۋ, زورلىق-زومبىلىققا قارسى ءىس-قيمىل ءۇشىن بىرلەسكەن جۇمىس باعدارىن ازىرلەۋ جانە ايەلدەر اراسىندا سەكسۋالدى جانە تۇرمىستىق زورلىق-زومبىلىقتىڭ تارالۋى تۋرالى مالىمەتتەردى جيناقتاۋدىڭ جالپى ءادىسىن دايىنداۋ ماسەلەلەرى قاراستىرىلعان.
باعدارلامانىڭ ۇيلەستىرۋشىسى بۇۇ-نىڭ قازاقستانداعى تۇراقتى ۇيلەستىرۋشىسىنىڭ كەڭسەسى ەكەنىن اتاپ وتكەن ءجون.