الماتى اكىمى باقىتجان ساعىنتاەۆ ورتالىق كوممۋنيكاتسيالار قىزمەتىندە وتكەن بريفينگتە جەكە سەكتوردى گازبەن قامتۋ ماسەلەسىن قوزعادى. بۇگىنگى كۇنى قالا تۇرعىندارىنىڭ 99%-ءى گازبەن قامتاماسىز ەتىلگەن. 1848 ءۇي, ونىڭ ىشىندە الەۋمەتتىك جاعىنان وسال توپتارىنىڭ 48 ۇيلەرى ءالى دە گازعا قوسىلماعان.
باسقا قوسىلۋعا مۇمكىندىگى بار 1646 ءۇيدىڭ 529 ءۇيىن قوسۋ بويىنشا جۇمىستار جۇرۋدە.
گازبەن جابدىقتاۋدىڭ سىرتقى جەلىلەرىنىڭ بولماۋى سالدارىنان 202 ءۇي قوسىلعان جوق. ولاردىڭ مەكەن-جايلارى «قازترانسگاز» اق ءالوف-گە ينۆەستيتسيالىق باعدارلامانى قۇرۋ جۇمىس جوسپارىنا قوسۋ ءۇشىن بەرىلدى.
وسى جىلدىڭ باسىندا ءبىز حالىق بانكىمەن بىرگە گازعا قوسىلۋعا ارنالعان جەڭىلدەتىلگەن نەسيەلەۋ باعدارلاماسىن باستادىق. 18 ايعا دەيىنگى مەرزىمگە گازعا قوسىلۋ ءۇشىن 300 مىڭ تەڭگەگە دەيىن پايىزسىز جانە كەپىلسىز نەسيە الۋعا مۇمكىندىك بەرىلەدى.
از قامتىلعان جانە كوپبالالى وتباسىلارعا, سونداي-اق مۇگەدەك بالالاردى تاربيەلەپ وتىرعاندارعا گاز جابدىقتارىن الۋ جانە مونتاجداۋ جۇمىستارىنا كەتكەن شىعىنداردىڭ 100% مولشەرىندە وتەۋ ءۇشىن الەۋمەتتىك كومەك كورسەتىلەدى. 1 قاراشاداعى جاعداي بويىنشا 31 مەنشىك يەسىنە 5,5 ملن تەڭگەگە كومەك كورسەتىلدى.
الماتى