قازاقستاندا ايگىلى اۆتوكولىكتەر كۇرت قىمباتتادى

ازىرگە ساتىلىم بويىنشا Lada Granta كوش باستاپ تۇر. جىل باسىنان بەرى رەسەيلىك كولىكتىڭ 6635 داناسى ساتىلعان. ودان كەيىنگى ورىندا 5726 ساتىلىممەن Ravon Nexia. ۇزدىك ۇشتىكتى Hyundai Tucson تۇيىندەيدى. كارىس كولىگىنىڭ 3795 داناسى ساتىلىپتى.

توپ-5 قاتارىنا Toyota Camry (3 714) مەن Lada Vesta (3 531) كىرگەن. ولاردان بولەك العاشقى وندىقتا Hyundai Accent (3 443), Chevrolet Cobalt (2 905), KIA Rio (2 822), Lada 4ح4 (2 705) جانە Hyundai Creta (2 561) كولىكتەرى بار. جالپى العاندا 633,6 ملرد تەڭگەگە 70,5 مىڭنان استام سۋ جاڭا كولىك قازاقستاندىقتاردىڭ ەنشىسىنە تيگەن.

وسىعان قاراپ قازاقستاندىقتاردىڭ باعا وسكەنىنە قاراماستان كولىك ساتىپ الۋدان باس تارتپاعانىن بايقايمىز. ماسەلەن, جىل باسىندا Lada Granta 3,67 ملن تەڭگە تۇرسا, وندا قاراشا ايىندا ونىڭ باعاسى 3,69 ميلليونعا جەتكەن. بىلتىر ءتىپتى ارزان بولعان. 2019 جىلى ەل تۇرعىندارى رەسەي كولىگىن 2,84 ملن تەڭگەگە ساتىپ العان. ياعني, بىلتىرمەن سالىستىرعاندا بيىل Lada Granta 29,7 پايىزعا قىمباتتاپتى.

رەسەي ماركاسىمەن بەلسەندى باسەكەلەسىپ كەلە جاتقان Ravon Nexia كولىگىنىڭ دە باعاسى جىل باسىنان بەرى ەداۋىر وسكەن. بىراق بىلتىرمەن سالىستىرعاندا ارزانداعان. بۇل رەتتە قاڭتار ايىنان بەرى Lada 4x4 – 21,2 پايىزعا قىمباتتاسا, Hyundai Accent 4,7 پايىزعا ارزانداعان. سونىمەن قاتار  Hyundai Creta اۆتوكولىگى باعاسىنىڭ دا ارزانداۋى بايقالادى.

قازاقستاندىقتار ەرەكشە باعالايتىن تاعى ءبىر كولىك ءتۇرى – Chevrolet Cobalt باعاسى 4,19 ملن تەڭگە ەكەن. ول وسىلايشا, Toyota LC Prado كولىگىن ىعىستىرىپ شىعارعان. ال Toyota Camry ازىرگە ەڭ قىمباتقا ساتىلاتىن كولىكتەر كوشىن باستاۋدى جالعاستىرىپ تۇر. جاپون كولىگىنىڭ باعاسى – 10,87 ملن تەڭگە.