مەملەكەت باسشىسىنىڭ بيىلعى جولداۋىندا باسىم باعىتتاردىڭ ءبىرى رەتىندە – الەۋمەتتىك ماڭىزى بار ازىق-ت ۇلىك تاۋارلارىمەن ءوزىمىزدى تولىق قامتاماسىز ەتۋ كەرەكتىگى ايتىلدى. شىمكەنتتە وسى باعىتتا 2 بىردەي اگرو-يندۋستريالدى اي̆ماعىن ىسكە قوسۋ جوسپارلانىپ وتىر, دەپ حابارلايدى Egemen.kz قالا اكىمدىگىنىڭ ءباسپاسوز قىزمەتىنە سىلتەمە جاساپ.
بۇل تۋرالى شىمكەنت قالاسىنىڭ اكىمى مۇرات ايتەنوۆ پرەزيدەنت جانىنداعى وكق الاڭىندا وتكەن ءباسپاسوز بريفينگتە مالىمدەدى.
– ءبىرىنشىسى – اۋماعى 136 گەكتار جەرگە زاماناۋي ونەركاسىپتىك جىلىجاي̆ كەشەنىن سالۋ بويىنشا 28 جوبانى ىسكە اسادى. ەكىنشىسى – "بوزارىق" تاماق ونەركاسىبى يندۋستريالدى ايماعىن قۇرۋ جوسپارلانۋدا. مۇندا بيولوگيالىق قوسپالارى بار قۇنارلى قۇراما جەم ءوندىرىسى جانە ءسۇت ءوندىرۋ زاۋىتى بوي كوتەرەدى, – دەدى مۇرات دۇيسەنبەك ۇلى.
سپيكەردىڭ ايتۋىنشا, "بوزارىق" تاماق ونەركاسىبى يندۋستريالدى ايماعىندا شەتەل ينۆەستورلارىمەن بىرلەسە ءسۇت, ەت, جەمىس پەن كوكونىستى قايتا وڭدەيتىن, كونسەرۆىلەيتىن جوبالار جۇزەگە اسادى دەپ جوسپارلانعان.