تۇركىستان وبلىسىندا ادەپسىز اكىمدەردىڭ جاۋاپكەرشىلىگى قارالدى

ماسەلەن, ورداباسى اۋداندىق ساۋلەت جانە قالا قۇرىلىسى ءبولىمىنىڭ باسشىسى مۇڭ-مۇقتاجىن ايتىپ كەلگەن ازاماتقا دورەكىلىك تانىتقان. ونىڭ ادەپسىز ارەكەتى بەينەجەزباعا تۇسىرىلگەن. ادەپ كودەكسىنىڭ تالاپتارىنا سايكەس, مەملەكەتتىك قىزمەتشىلەر ازاماتتارمەن جانە ارىپتەستەرىمەن قارىم-قاتىناستا سىپايىلىق تانىتۋى ءتيىس. كەڭەستىڭ شەشىمىمەن اتالعان لاۋازىمدى تۇلعاعا "قىزمەتىنە تولىق سايكەس ەمەستىگى" تۇرىندەگى تارتىپتىك جازا قولدانۋ ۇسىنىلدى.

سونداي-اق ءدال وسىنداي تارتىپتىك جازا قولدانۋ تۇلكىباس اۋدانى اقبيىك اۋىلدىق وكرۋگىنىڭ اكىمىنە دە ۇسىنىلدى. سايرام اۋدانى تۇرعىنىنىڭ ارىزىنا سايكەس, اتالعان لاۋازىمدى تۇلعانىڭ تۇنگى ۋاقىتتا ارىز يەسىنىڭ ۇيىنە بارىپ, توقتاۋسىز قوڭىراۋ شالعانى, ەسىكتى اشۋدى تالاپ ەتىپ, تىنىشتىقتى بۇزعاندىعى انىقتالدى. ماقتاارال اۋدانى ماقتاارال اۋىلدىق وكرۋگى اكىمىنىڭ مىندەتىن ۋاقىتشا اتقارۋشى ازاماتقا دا  "قىزمەتىنە تولىق سايكەس ەمەستىگى" تۇرىندەگى تارتىپتىك جازا قولدانۋ ۇسىنىلدى. ول ءوزىنىڭ قىزمەتتىك مىندەتتەرىن اتقارۋ بارىسىندا ادەپ كودەكسىنىڭ تارماقشالارىنداعى جالپى قابىلدانعان مورالدىق-ادەپتىلىك نورمالارىن جانە ەلىمىزدىڭ زاڭدارىندا بەلگىلەنگەن شەكتەۋلەر مەن تىيىمداردى ساقتاماعان.

ادەپ جونىندەگى كەڭەس توراعاسى ا.ءشىلمانوۆ مەملەكەتتىك قىزمەتشى حالىقتىڭ, ەلدىڭ الدىنداعى تۇلعا بولعاندىقتان, ونىڭ ءاربىر ايتقان ءسوزى مەن ءىس-قيمىلىن حالىقپەن ءجىتى باقىلانىپ وتىراتىندىقتان جۇمىس ۋاقىتىندا, قىزمەتتەن تىس ۋاقىتتا دا جالپى قابىلدانعان مورالدىق-ادەپتىلىك نورمالارىن ۇستانۋعا, قوعامعا جات مىنەز-ق ۇلىق پەن تەرىس قىلىقتارعا جول بەرمەۋ كەرەكتىگىن اتاپ ءوتتى.