ەفيوپيا اسكەريلەرى تيگراي قالاسىنا بەتتەپ, كوتەرىلىسشىلەرمەن قاقتىعىستى. رەسمي بيلىك پەن «تيگرايدى ازات ەتۋ حالىقتىق مايدانى» سەپاراتيستەرى اراسىنداعى جانجال ءۇشىنشى اپتاعا سوزىلدى.
ەفيوپيا پرەمەر-ءمينيسترى ابي احمەد ءالي ازىرگە حالىقارالىق قوعامداستىقتىڭ اتىستى توقتاتىپ, كەلىسسوز جۇرگىزۋگە شاقىرۋىن قۇلاعىنا ىلەر ەمەس. ول 2019 جىلى ەريترەيامەن اراداعى كوپجىلدىق شيەلەنىستى شەشكەنى ءۇشىن نوبەل سىيلىعىن العان بولاتىن.
قاقتىعىس سالدارىنان مىڭداعان ادام قازا تاۋىپ, كوپشىلىگى بوسقىنعا اينالدى. بۇۇ ەلدە گۋمانيتارلىق داعدارىس باستالعانىن حابارلادى. بۇۇ ەفيوپيا ۇكىمەتىنە ەلدەگى 4 لاگەرگە اپارار جولدى اشۋدى تاپسىردى. مەملەكەتتەگى شيەلەنىس سالدارىنان گۋمانيتارلىق كومەككە ءزارۋ توپپەن بايلانىس ۇزىلگەن. ولار بىرنەشە ايدان بەرى ەش كومەك الا الماي كەلەدى.
بۇۇ-نىڭ بوسقىندار ماسەلەسى بويىنشا ەفيوپياداعى وكىلى ەنن ەنكونتر «گۋمانيتارلىق كومەكتى جەتكىزۋ قيىنداپ كەتتى. بوسقىندارمەن بايلانىس ءۇزىلىپ, شامامەن 100 مىڭ ەريترەيالىق ازىق-ت ۇلىكسىز قالدى», دەيدى.