2020 جىلدىڭ ءۇش توقسانىنىڭ قورىتىندىسى بويىنشا قر ەڭبەك مينيسترلىگى ەڭبەك, الەۋمەتتىك قورعاۋ جانە كوشى-قون كوميتەتىنىڭ وڭىرلىك دەپارتامەنتتەرى جۇرگىزگەن تەكسەرۋلەر بارىسىندا 472 وبەكتىدە مۇگەدەكتىگى بار ادامداردىڭ الەۋمەتتىك جانە كولىك ينفراقۇرىلىمى وبەكتىلەرىنە كىرىپ-شىعۋىن قامتاماسىز ەتۋ بويىنشا بۇزۋشىلىقتار انىقتالدى.
جوعارىدا اتالعان كەزەڭدە مەملەكەتتىك باسقارۋ, دەنساۋلىق ساقتاۋ, مادەنيەت جانە كولىكتىك قىزمەت كورسەتۋ سالالارىنداعى وبەكتىلەردە بۇزۋشىلىقتاردى انىقتاۋ بويىنشا بارلىعى 658 باقىلاۋ ءىس-شاراسى وتكىزىلدى. ونىڭ ىشىندە 624 وبەكتىدە مۇگەدەكتىگى بار ادامدار ءۇشىن قولجەتىمدى ورتانى قامتاماسىز ەتۋ تۇرعىسىنان تەكسەرۋ جۇرگىزىلدى. بۇل رەتتە پروفيلاكتيكالىق باقىلاۋ شەڭبەرىندە 459 تەكسەرۋ جۇرگىزىلدى, ازاماتتاردىڭ وتىنىشتەرى بويىنشا جوسپاردان تىس 199 تەكسەرۋگە باستاماشىلىق ەتىلدى.
تەكسەرۋ ناتيجەسىندە مۇگەدەكتىگى بار ادامداردى الەۋمەتتىك قورعاۋ جانە ولارعا ارناۋلى الەۋمەتتىك قىزمەت كورسەتۋ سالاسىندا انىقتالعان بۇزۋشىلىقتاردى جويۋ تۋرالى 472 ۇيعارىم بەرىلدى, ولاردىڭ 37-ءسى بويىنشا جالپى سوماسى 9,1 ملن. تەڭگەگە اكىمشىلىك ايىپپۇل سالىندى.
قازاقستاندا بارلىعى 34 883 الەۋمەتتىك ينفراقۇرىلىم وبەكتىسى بار, ونىڭ ىشىندە 34 509 وبەكتىدە جەرگىلىكتى اتقارۋشى ورگاندار مۇگەدەكتىگى بار ادامدار ءۇشىن قولجەتىمدى ورتانى ۇيىمداستىرۋ تۇرعىسىنان پاسپورتتاۋ جۇرگىزۋدى جوسپارلاپ وتىر. 2020 جىلدىڭ ءۇش توقسانىنىڭ قورىتىندىسى بويىنشا ءراسىم 34 279 وبەكتىدە جۇرگىزىلدى. ايتا كەتۋ كەرەك, 25 648 (75%) پاسپورتتالعان وبەكت قوسىمشا بەيىمدەلۋگە ءتيىس. اعىمداعى جىلعى 1 قازانداعى جاعداي بويىنشا ولاردىڭ 24 939-ى بەيىمدەلدى.