الماتىدا جۇرەكتىڭ كەنەتتەن توقتاۋ قاۋپى جوعارى ناۋقاستارعا تەرىاستى يمپلانتى سالىندى

شەبەرلىك ءدارىس شەڭبەرىندە جۇرەك ىرعاعى جانە وتكىزگىشتىگىنىڭ بۇزىلىسى بولىمشەسىنىڭ مەڭگەرۋشىسى, قازاقستاننىڭ جەتەكشى اريتمولوگتارىنىڭ ءبىرى روين رەكۆاۆا ەلىمىزدىڭ جانە ينستيتۋتتىڭ جاس ماماندارى مەن رەزيدەنتتەرى ءۇشىن  ەكى كۇن ىشىندە 42, 48 جانە 55 جاستاعى پاتسيەنتتەرگە وپەراتسيا جاسادى.

يمپلانتتالعان كارديوۆەرتەر-دەفيبريللياتور ءومىر سۇرۋگە قاۋىپتى جۇرەك ىرعاعىنىڭ بۇزىلىسى جانە اۋىر جۇرەك كەمىستىگى بار پاتسيەنتتەر ۇشىنجۇرەكتىڭ كەنەتتەن توقتاپ قالۋ قاۋپىنەن قورعانۋعا جانە ولاردىڭ ومىرلەرىن ساقتاپ قالۋعا كومەكتەسەدى. وپەراتسيانىڭ تەحنيكالىق ەرەكشەلىكتەرى قوندىرعى ەلەكترودتارىنىڭ ينفەكتسياعا اكەلۋى, ولاردىڭ  بۇزىلۋى, سونداي-اق جۇرەك قابىرعالارى مەن تامىرلارىنىڭ زاقىمدانۋىمەن بايلانىستى بولاتىن قاۋىپتەردىڭ بولۋىمەن سيپاتتالادى. تەستىلەۋگە Boston Scientific كومپانياسىنىڭ (رەسەي) كلينيكالىق مامانى رومان فوكين كومەكتەستى.

روين ءروينوۆيچتىڭ ايتۋىنشا, قايتالاپ  يمپلانتتاۋدىڭ بارىسىندا قاۋىپتەر بىرنەشە ەسەگە ارتادى. تەرىاستى ەلەكترودى بار يمپلانتتالاتىن كارديوۆەرتەر-دەفيبريللياتوردى پايدالانۋ بارلىق قاۋىپتەردىڭ سانىن ازايتۋعا مۇمكىندىك بەرەدى.

«تەرىاستىكارديوۆەرتەر –دەفيبريللياتوردى يمپلانتتاۋ ارنايى ازىرلەنگەن ءادىس بويىنشا جۇزەگە اسىرىلادى, بۇل قوندىرعى جۇمىسىنىڭ ءتيىمدى بولۋى مەن اسقىنۋلاردىڭ مەيلىنشە از بولۋى ءۇشىن نەگىز بولىپ تابىلادى», - دەيدى روين رەكۆاۆا.

ەلەكترود تامىرىشىلىك رەتىندە جىڭىشكە جانە جۇمساق بولماۋى كەرەك, ەلەكترودتىڭ تەرىاستىندا ورنالاسۋى ونى مەحانيكالىق اسەرلەرگە مەيلىنشە مىقتى جانە تۇراقتى ەتەدى.

تەرىاستى كارديوۆەرتەر - دەفيبريللياتور جۇرەك تامىرلارىنىڭ كۇردەلى اناتومياسى بار, دەنە قيمىلى جاعىنان بەلسەندى جاس پاتسيەنتتەرگە جاسالادى, ويتكەنى ولاردا تامىرىشىلىك ەلەكترودتىڭ زاقىمدانۋ قاۋپى جوعارى, ينفەكتسيالىق اسقىنۋلاردىڭ بولۋ قاۋپىمەن سوزىلمالى بۇيرەك كەمىستىگى بار, قانت ديابەتىنە شالدىققان پاتسيەنتتەرگە, ەگەر ءبىرىنشى وپەراتسيا كەزىندە ينفەكتسيالىق اسقىنۋلار بولسا, كارديوۆەرتەر – دەفيبريللياتور قايتالاپ يمپلانتتاۋعا مۇقتاج پاتسيەنتتەرگە يمپلانتتالادى.

جۇرەكتىڭ توقتاپ قالۋىنا العاشقى پروفيلاكتيكا جاساۋ ءۇشىن كلينيكالىق پراكتيكاعا تەرىاستى كارديوۆەرتەر-دەفيبريللياتورلاردى ەنگىزۋ وپەراتسيادان كەيىنگى اسقىنۋلاردىڭ سانىن ازايتىپ, پاتسيەنتتىڭ ءومىر ءسۇرۋ ساپاسىن جاقسارتادى. سونىمەن قاتار, وسىنداي ماستەر-كلاستاردى وتكىزۋ وسى ەمدەۋ ءادىسىن رەسپۋبليكانىڭ باسقا كلينيكالارىندا قولدانۋعا مۇمكىندىك بەرەدى.

بۇل وتا ناۋقاستارعا تەگىن جاسالاتىندىعىن, ءبىر وپەراتسياعا مەملەكەت 6 ميلليون 100 مىڭ تەڭگە بولەتىندىگىن ايتا كەتۋ كەرەك.

2012 جىلدان بەرى كارديولوگيا جانە ىشكى اۋرۋلار عىلىمي-زەرتتەۋ ينستيتۋتىندا 2 مىڭنان استام كارديوۆەرتەر-دەفيبريللياتورلىق يمپلانتاتسيالاۋ وپەراتسيالارى جاسالدى.

الماتى