ماحامبەت اتىنداعى اكادەميالىق قازاق دراما تەاترىنىڭ الدىنا ونەر تارلاندارى ءسابيرا مايقانوۆا, نۇرمۇحان ءجانتورين, حاديشا بوكەەۆا مەن ءاسانالى اشىموۆكە ارنالعان كومپوزيتسيا قويىلعان ەدى. كومپوزيتسيا «شىعارماشىلىق اڭگىمە» دەپ اتالادى. جاقىندا قولادان قۇيىلعان ونەر تۋىندىسىنىڭ اشىلۋ سالتاناتى ءوتتى.
سالتاناتتى شاراعا تەاتر جانە كينو اكتەرى, كسرو حالىق ءارتىسى, قازاقستاننىڭ ەڭبەك ەرى ءاسانالى ءاشىموۆ جانە وزگە دە زيالى قاۋىم وكىلدەرى قاتىستى.
– بۇل – ساۋلەت ونەرىنىڭ ۇلگىسى عانا ەمەس, مادەنيەت پەن ونەرگە, ونىڭ وكىلدەرىنە, اعا ۇرپاققا كورسەتىلگەن قۇرمەت. كەز كەلگەن ەل ءۇشىن رۋحانياتتىڭ ورنى بولەك. وسكەلەڭ ۇرپاقتى ونەر يەلەرىن قۇرمەتتەۋگە ۇندەيتىن تۋىندى, – دەدى وبلىس اكىمىنىڭ ورىنباسارى باقىتگۇل حامەنوۆا.
تەاتر ديرەكتورى بەرىك جامەنوۆتىڭ پىكىرىنە سۇيەنسەك, قازاق ونەرىنىڭ باستاۋىندا تۇرعان حالىق ارتىستەرىنىڭ ەسىمى ەل جادىندا ساقتالۋى ءتيىس. سول سەبەپتەن تەاتر الدىنداعى الاڭعا وسىنداي كومپوزيتسيانى ورناتۋ تۋرالى يدەيا تۋىنداپتى. كومپوزيتسيانى الماتىلىق ءمۇسىنشى گۇلفيا مەلدەش جاسادى.
اتىراۋ وبلىسى