25 قاراشادا نۇر-سۇلتان ۋاقىتى بويىنشا 08:13 كەزىندە فلوريدانىڭ (اقش) كاناۆەرال مۇيىسىندەگى 0 عارىش ايلاعىنان Starlink-15 ميسسياسى اياسىندا 60 سپۋتنيگى بار Falcon 9 Block 5 زىمىرانتاسىعىشى ۇشىرىلدى, دەپ حابارلايدى Egemen.kz
ۇشىرىلىم شتاتتىق رەجىمدە ءوتتى. Spacex.com ارناسىنان ۇشىرىلىمنىڭ تىكەلەي ەفيرى كورسەتىلدى. ورىس تىلىندەگى نۇسقاسى مىنا سىلتەمەدە ترانسلياتسيالاندى.
اتالعان ۇشىرىلىمنىڭ ەرەكشەلىگى Falcon 9 B1049.7 ءبىرىنشى قايتارىلاتىن ساتىسىندا بۇل جەتىنشى ءساتتى ۇشىرىلىم ەكەندىگىندە. تىكەلەي رەپورتاج تىلشىلەرى حابارلاعانداي, ءبىرىنشى ساتى OCISLY اۆتونومدى پلاتفورماسىنا ۇشىرۋ ورنىنان 634 كم قاشىقتىقتا ءساتتى ءوتتى.
عارىش اپپاراتتارىنىڭ العاشقى پارتياسى 2018 جىلدىڭ 10 قىركۇيەگىندە ۇشىرىلدى, 2019 جىلى Space X قاڭتار مەن مامىردا ەكى ۇشىرىلىم جاسادى, 2020 جىلى ءۇش ۇشىرىلىم قاڭتار, ماۋسىم جانە تامىز ايلارىندا بولدى.
جالپى العاندا, SpaceX 2020 جىلى جەر وربيتاسىنا 12 مىڭ تومەن وربيتالىق سپۋتنيكتى ۇشىرىپ, بۇكىل الەم بويىنشا كوممەرتسيالىق ينتەرنەت قىزمەتىن ۇسىنۋدى جوسپارلاپ وتىر.