شىمكەنت قالاسىنىڭ №24 مەكتەپ-ليتسەيىنىڭ باستاۋىش سىنىپ وقۋشىلارى ءۇشىن ءتۇرلى داۋىردەگى جاۋىنگەرلەر مۇسىندەرىنىڭ كورمەسى ۇيىمداستىرىلدى. بالالارعا ەكسپوناتتاردى وتستاۆكاداعى پودپولكوۆنيك ارمان احاشوۆ ۇسىندى.
كورمەدە قالايى, پلاستماسسا, اليۋميني, مىرىش جانە مىس قورىتپالارىنان جاسالعان ءارتۇرلى مولشەردەگى مۇسىندەر ۇسىنىلدى. بىرەگەي توپتامامەن تانىسۋ بالالار ءۇشىن ەرەكشە وقيعا بولدى.
قازاق حاندىعى جاۋىنگەرلەرىنىڭ كوشىرمەلەرى, ولاردىڭ جاۋىنگەرلىك كيىم-كەشەكتەرى مەن قارۋلارىنىڭ ۇساق-تۇيەكتەرىنە دەيىن قايتالاناۋى بالالاردىڭ ەرەكشە قىزىعۋشىلىعىن تۋدىردى. سونداي-اق وقۋشىلار ەجەلگى عۇندار, ساقتار, موڭعولدار, ۆيكينگتەر, ورتا عاسىر رىتسارلارى, ناپولەون ءداۋىرىنىڭ ساربازدارى جانە ەكى دۇنيەجۇزىلىك سوعىستاعى كەڭەس جاۋىنگەرلەرىنىڭ قارۋ-جاراقتارىمەن, جابدىقتارىمەن تانىستى.
ء«وز ەلىنىڭ داستۇرلەرى, تاريحى مەن مادەنيەتىنە ۇقىپتى قارايتىن پاتريوتتى تاربيەلەۋ – زاماناۋي مەكتەپتىڭ ماڭىزدى مىندەتتەرىنىڭ ءبىرى. وسىنداي تانىمدىق ءىس-شارالاردىڭ كومەگىمەن ءبىز بالالاردىڭ اسكەري قىزمەتكە دەگەن قىزىعۋشىلىعىن وياتامىز, اتا-بابالارىمىزدىڭ داستۇرلەرىن قۇرمەتتەۋگە, وتان الدىنداعى بورىش سياقتى سەزىمىن تاربيەلەيمىز», دەپ اتاپ ءوتتى مەكتەپ ديرەكتورى جانار نىسانباەۆا.
وقۋشىلار كورمەنى ۇيىمداستىرۋشىلار مەن كوللەكتسيونەرگە وتكەن عاسىرلارداعى, ءتۇرلى ەلدەر مەن حالىقتاردىڭ جاۋىنگەرلەرىمەن قىزىقتى جانە تانىمدىق «كەزدەسۋ» ءۇشىن العىس ءبىلدىردى.