مەملەكەت باسشىسى كوتەرگەن باستامالاردى جۇزەگە اسىرۋ بارىسى بويىنشا كەشە ءدىن ىستەرى اگەنتتىگىنىڭ توراعاسى مارات ءازىلحانوۆتىڭ بريفينگى بولىپ ءوتتى. سونداي-اق, «E-Islam» اقپاراتتىق-اعارتۋشىلىق عالامتور-پورتالى جانە ءدىن ءماسەلەلەرى بويىنشا كەڭەس بەرۋ مەن شاعىمداردى قابىلداۋعا ارنالعان «قاۋىرت جەلى-114» جوباسى تانىستىرىلدى.
مەملەكەت باسشىسى كوتەرگەن باستامالاردى جۇزەگە اسىرۋ بارىسى بويىنشا كەشە ءدىن ىستەرى اگەنتتىگىنىڭ توراعاسى مارات ءازىلحانوۆتىڭ بريفينگى بولىپ ءوتتى. سونداي-اق, «E-Islam» اقپاراتتىق-اعارتۋشىلىق عالامتور-پورتالى جانە ءدىن ءماسەلەلەرى بويىنشا كەڭەس بەرۋ مەن شاعىمداردى قابىلداۋعا ارنالعان «قاۋىرت جەلى-114» جوباسى تانىستىرىلدى.
ورتالىق كوممۋنيكاتسيالار قىزمەتىنىڭ رەسمي وكىمى التاي ابيبۋللاەۆ ءدىني ەكسترەميزم مەن لاڭكەستىكتىڭ الدىن الۋ ماسەلەسى قازاقستاندا عانا ەمەس, ورتالىق ازيادا جانە بۇكىل الەمدە وزەكتى ماسەلە ەكەندىگىن ايتىپ ءوتتى. سوندىقتان دا سالت-داستۇرىمىزگە ابدەن ءسىڭىپ, عاسىردان-عاسىرعا جالعاسىپ كەلە جاتقان ءداستۇرلى يسلام ءدىنىنىڭ قۇندىلىقتارىن حالىققا دۇرىس ءتۇسىندىرىپ, جەتكىزۋ ماقساتىندا «E-Islam» ينتەرنەت-پورتالى اشىلىپ وتىر, دەدى ول.
اتالعان ينتەرنەت-پورتال تۋرالى ءدىن ىستەرى اگەنتتىگىنىڭ توراعاسى م.ءازىلحانوۆ جان-جاقتى ءاڭگىمەلەپ بەردى. ونىڭ ايتۋىنشا, «E-Islam» عالامتور-پورتالىن ءدىن ىستەرى اگەنتتىگى رۋحاني بىرلىك قورىمەن بىرىگىپ جاساعان. نەگىزىنەن عالامتور-پورتالىنىڭ قىزمەتى ەلىمىزدەگى ءداستۇرلى يسلامنىڭ رۋحاني قۇندىلىقتارىن, مەملەكەتتىك قۇرىلىمنىڭ زايىرلى قاعيدالارىن ناسيحاتتاۋعا, سونداي-اق, ءدىني ەكسترەميزم مەن تەرروريزمنىڭ تارالۋىنىڭ الدىن الۋعا باعىتتالىپتى.
تۇساۋى اعىمداعى جىلدىڭ 13 قاراشاسىندا كەسىلگەن «ە-Islam» ينتەرنەت-رەسۋرسىنىڭ 7 نەگىزگى ايدارى بار ەكەن. اتاپ ايتقاندا, «يسلام», «قازاقستانداعى يسلام», «يسلام جانە زايىرلى مەملەكەت», «يسلام جانە قوعام», «يسلام – ىزگىلىك ءدىنى», «دىنارالىق ۇنقاتىسۋ» جانە «مۋلتيمەديا» بولىپ بولىنەدى. سونىمەن قاتار, 12 قوسىمشا تاقىرىپتىق ايدارلار دا بار كورىنەدى. كۇندەلىكتى جاڭارتىلىپ وتىراتىن جاڭالىقتاردا اعارتۋشىلىق اقپاراتتار, يسلام ءبىلىمى, عىلىمى, مادەنيەتى تۋرالى انىقتامالار بەرىلىپ وتىرماق. سونداي-اق, قاسيەتتى قۇران كىتابىنىڭ تولىق مازمۇنىمەن تانىسۋعا, ناماز وقۋ, ورازا تۇتۋ, زەكەت تولەۋدىڭ ەرەجەلەرى مەن ەرەكشەلىكتەرى تۋرالى دا مول ماعلۇمات الۋعا بولادى.
بۇدان باسقا, وقىرماندار ءپىكىرتالاس الاڭىندا وزدەرىن قىزىقتىرعان پروبلەمالار بويىنشا ويلارىن ورتاعا سالا دا الادى. ءدىنتانۋشى-عالىمداردىڭ جەكە بلوگتارى ورنالاسقان «ساراپشىلار باعانى» ءاربىر پورتالعا كىرۋشىنىڭ ساۋالدارىنا جان-جاقتى جاۋاپتار بەرەتىنىن دە ايتا كەتۋ كەرەك. پورتالدا كىتاپ قورى جيناقتالسا, قازىردىڭ وزىندە مىڭداعان كىتاپتار قوتارىلىپ الىنعانى بەلگىلى بولىپ وتىر. «ە-Islam» پورتالىنىڭ باسقا ءدىني سايتتاردان ەرەكشەلىگى – «ءدىني راديكاليزم قاۋىپتەرى» مەن «زايىرلىلىق پەن دىندارلىق» اتتى ايدارلاردىڭ ۇيىمداستىرىلۋىندا», دەدى ءدىن ىستەرى اگەنتتىگىنىڭ توراعاسى.
تاعى ءبىر ءمالىم بولعانى, سايتتىڭ العاشقى كەزەڭىندە كۇندەلىكتى قولدانۋشىلار سانى 3 مىڭعا جۋىق بولسا, قازىرگى كەزدە كۇن سايىن ولاردىڭ سانى مىڭنان كەم تۇسپەيدى ەكەن. اتالعان عالامتور-پورتالىنىڭ باس رەداكتورى جاسۇلان ءابدىرامانوۆ ءداستۇرلى يسلام ءدىنىنىڭ نەگىزگى قاعيدالارى مەن قازاق جۇرتىنىڭ سالت-ءداستۇرلەرى اراسىنداعى ءوزارا بايلانىستار تۋرالى ايتا كەلىپ, جاس ۇرپاق ساناسىنا ءداستۇرلى يسلام قۇندىلىقتارىن ءسىڭىرۋ ارقىلى تەرىس پيعىلدى ءدىني يدەولوگيا كەسەلدەرىنەن ساقتاۋ جۇمىستارىن اتقاراتىن بولامىز دەگەندى ەرەكشە اتادى. پورتالدا قازاق جانە ورىس تىلدەرىندە تەرىس پيعىلدى, جات اعىمداردان ءارى كۇماندى عالامتور كوزدەرىنەن ساقتاندىرۋعا ىقپالى تيەتىن 2 مىڭنان اسا ماتەريالدار قورى جيناقتالىپتى.
«قاۋىرت جەلى-114» اقپاراتتىق-كونسۋلتاتسيالىق ورتالىعىنىڭ جۇمىسى تۋرالى وسى ورتالىقتىڭ جەتەكشىسى يۋليا دەنيسەنكو جان-جاقتى مالىمەتتەر بەرە كەتتى. «قاۋىرت جەلى-114» ورتالىعى ازاماتتاردان جانە ۇيىمداردان ءدىن سالاسىنا قاتىستى ساۋالدار قابىلداۋ جانە ولارعا كەڭەس بەرۋ ءۇشىن, سونداي-اق, تەرىس ءدىني اعىمداردىڭ قىزمەتىنەن زارداپ شەككەندەرگە پسيحولوگيالىق كومەك كورسەتۋ ءۇشىن قۇرىلىپ وتىر», دەدى ول ءوز سوزىندە. يۋ.دەنيسەنكونىڭ ايتۋىنشا, «قاۋىرت جەلى» قازاقستاننىڭ بارلىق اۋماعىنا تاۋلىك بويى قىزمەت كورسەتەدى جانە ول تەك ەلىمىزدەگى عانا ەمەس, بۇكىل دوستاستىق كەڭىستىگىندەگى وسىنداي العاشقى ورتالىق بولىپ تابىلادى.
ورتالىق كەشەگە دەيىن قاناتقاقتى رەجىمدە جۇمىس ىستەپ كەلگەنىنە قاراماستان, وعان ءتۇسىپ جاتقان قوڭىراۋلار مەن وتىنىشتەر مۇنداي جوبالارعا قاجەتتىلىكتىڭ بار ەكەنىن كورسەتۋدە ەكەن. جانە دە «قاۋىرت جەلى» تەرىس ءدىني اعىمداردان زارداپ شەككەندەرگە جاردەم كورسەتەتىن ورتالىقتارمەن, ەلىمىزدىڭ وڭىرلەرىندەگى باسقا دا داعدارىس جانە وڭالتۋ ورتالىقتارىمەن بايلانىس ورناتۋدا, سوندىقتان دا ءتۇرلى ماسەلە بويىنشا ەلىمىزدىڭ كەز كەلگەن وڭىرىندەگى ماماندارمەن جەدەل بايلانىسقا شىعۋدىڭ مۇمكىندىگى زور كورىنەدى.
اسقار تۇراپباي ۇلى,
«ەگەمەن قازاقستان».