پرەزيدەنت الماتىدا اعاشتاردى كەسكەن كىنالىلەردى جاۋاپقا تارتۋدى تاپسىردى

"پرەزيدەنت قاسىم-جومارت توقاەۆ الماتى قالاسى تولە بي كوشەسىندەگى اعاشتاردىڭ وتالعانىنا قاتىستى جاعدايعا نازار اۋداردى. الماتى قالاسىنىڭ اكىمى باقىتجان ساعىنتاەۆقا اتالعان جاعدايعا بايلانىستى قىزمەتتىك تەكسەرۋ جۇرگىزىپ, كىنالىلەردى جاۋاپكەرشىلىككە تارتۋدى تاپسىردى", دەيدى بەرىك ءۋالي.   ءباسپاسوز حاتشىسىنىڭ ايتۋىنشا, مەملەكەت باسشىسى 2019 جىلى 29 قازاندا الماتىدا قالا پروبلەمالارىنا ارنالعان كەڭەستە سويلەگەن سوزىندە مەگاپوليستىڭ ەكوجۇيەسىنە ۇقىپتى قاراۋدىڭ, شاھار تۇرعىندارىنىڭ جايلى ءومىر ءسۇرۋىن قامتاماسىز ەتۋ ءۇشىن ءتيىستى جاعدايلار جاساۋدىڭ ەرەكشە ماڭىزدى ەكەنىن ءمالىم ەتكەن بولاتىن.