قازاقستان قارۋلى كۇشتەرى قۇرلىق اسكەرلەرىنىڭ باس قولباسشىسى گەنەرال-لەيتەنانت مۇرات مايكەەۆ «جىل تاڭداۋى – جىل ادامى» حالىقارالىق فەستيۆالىنىڭ قورىتىندىسى بويىنشا 2013 جىلدىڭ اسكەري ادامى دەپ تانىلدى. م.مايكەەۆ «2013 جىلدىڭ اسكەري ادامى» نوميناتسياسىنداعى جەڭىسى ءۇشىن «التىن ادام» مۇسىنشەسىمەن ماراپاتتالدى.
جىل سايىنعى «جىل تاڭداۋى – جىل ادامى» فەستيۆالىنىڭ جەڭىمپازدارىن ماراپاتتاۋ سالتاناتى بيىل الماتى قالاسىندا وتكىزىلدى. اباي اتىنداعى قازاق مەملەكەتتىك اكادەميالىق وپەرا جانە بالەت تەاترىندا وتكەن شارادا 2013 جىلدىڭ ءتۇرلى سالاداعى ۇزدىكتەرىنىڭ ەسىمدەرى جاريالاندى. ولاردىڭ قاتارىندا اسكەر, مادەنيەت, ونەر, بيزنەس, مەديتسينا, سپورت جانە تاعى باسقا سالالاردىڭ مايتالماندارى بار.
«قازاقستانداعى جىل تاڭداۋى №1» فەستيۆالى تمد-نىڭ بەس ەلىندە وتكىزىلەدى ءجانە حالىقارالىق مارتەبەگە يە. سىيلىقتىڭ يەگەرلەرىن الەۋمەتتىك ساۋالدامالاردىڭ كومەگى ارقىلى تاۋەلسىز ساراپشىلار تاڭدايدى.
گەنەرال-لەيتەنانت م.مايكەەۆ 1959 جىلعى 9 قاراشادا اقتوبە قالاسىندا تۋعان. 1980 جىلى الماتى جوعارى جالپىاسكەري كوماندالىق ۋچيليششەسىن بىتىرگەن, ال 1994 جىلى م.ۆ.فرۋنزە اتىنداعى ءاسكەري اكادەميانى ءتامامدادى.
3-دارەجەلى «وتانعا قىزمەتى ءۇشىن», 2-دارەجەلى «ايبىن», 2-دارەجەلى «داڭق» وردەندەرىمەن جانە مەدالدارمەن ماراپاتتالعان.
«ەگەمەن-اقپارات».