قۋاتتى تەحنيكامەن تولىقتى

پكسا-M – وتاندىق اس­كە­ري-ونەركاسىپتىك كەشە­نىنىڭ كە­زەك­تى وزىق ۇلگىسى. مۇنى اۆتومات­تاندىرۋ جۇيە­­لەرىنىڭ دالا­لىق كە­شەنى دەپ تە اتاي­دى. ويت­كەنى مۇندا سترا­تەگيالىق, جە­دەل-سترا­تەگيا­لىق, جە­دەل-تاك­تي­كالىق باس­قارۋ بە­كەتتەرىن اۆتو­مات­تان­دى­رۋعا ارنالعان جۇيە بار. ناق­تىلاي ايتقاندا, اق­­پاراتتىق جۇيەلەردىڭ جۇ­مىسىن, اقپاراتتى اۆتو­مات­تاندىرىلعان, ءتىپتى اۆتو­ماتتاندىرىلماعان رەجىمدە دە جيناۋ مەن وڭدەۋدى, ساق­تاۋدى  قامتاماسىز ەتەدى.

– اسكەري-باعدارلامالىق كەشەننىڭ قۇرامىنا سپۋت­نيكت­ىك بايلانىس جۇيەسى ەنگىزىلىپ وتىر. بۇل كەشەنمەن قازاقستان قارۋلى كۇش­­تەرىنىڭ قولدانىستاعى سپۋت­نيك­تىك جەلىلەرمەن ۇيلەسىمدى جۇمىس ىستەۋگە بو­لادى. ونىڭ مالى­مەتتەردى الماسۋ جىل­دام­دىعى 2 مب/س بولسا, انتەننا جاب­دىعى –40°C-تان +50°C-گە دەيىنگى تەمپەراتۋرا ارالىعىندا جۇمىس ىستەي بەرەدى, – دەيدى راديو ۆزۆو­دى­نىڭ كومانديرى, لەيتەنانت ادىلەت قۇرماشەۆ.

ونىڭ ايتۋىنشا, جاڭا اسكەري-باعدارلامالىق كە­شەن­نىڭ كەڭ اۋقىمدى ارتىق­شىلىعى بار. باسقاشا ايت­قان­دا, الەۋەتى جوعا­رى دەۋ­گە بولادى. ويتكەنى اق­پارات­تىق-تەحنولوگيالىق ماسە­لە­لەردى شەشۋگە, اسكەرلەردى باس­قارۋعا وڭ ىقپالىن تي­گىزەدى. پسكا-م بايلانىس ار­نالارىن قابىل­داپ, شيفر­لاۋعا, دەرەكتەردى اشىق, جا­بىق بايلانىس ارنالارىمەن بەرۋگە, كەم دەگەندە 50 پاي­دالانۋشىنىڭ قو­سىلۋىمەن جەر­گىلىكتى كوم­پيۋتەرلىك جەلىنى ورنا­لاس­تىرۋعا مۇم­كىندىك بەرە­دى. بار­لىق قاجەتتى اقپارات كو­مان­دا­لىق بەكەتتىڭ ۆيزۋالداۋ قۇ­رىلعىسىندا جەدەل كور­سە­تىلەدى. پرينتەرلەر مەن پلوت­­تەردە باسىپ شىعارى­لادى.

سونىمەن بىرگە, ۋلترا­تول­­قىندى دياپازونداعى راديوبايلانىستى قامتاماسىز ەتە­دى. مۇنداي ارنايى باع­دار­لا­مالىق قام­تاماسىز ەتۋ اسكەرلەردى جاۋىن­گەر­لىك ازىر­­­لىككە شاقىرۋ جو­نىندەگى دى­بىستىق بەل­گىدەردى جەدەل قا­بىلداۋعا, كوماندالاردىڭ ورىندالۋى تۋرالى ەسەپ بەرۋگە, كوماندالىق-باسقارۋ ور­گاندارى, قۇرامالار مەن بولىمدەر اراسىنداعى ءىس-شا­را­لاردى ءبولۋ, سونداي-اق  جا­ۋىنگەرلىك تاپسىرمالاردى قۇراستىرۋ مەن ورىندالۋىن باقىلاۋعا جول اشادى.

اتىراۋ وبلىسى