العاباس اۋىلى ورال – اتىراۋ تاس جولىنان 30 شاقىرىم قاشىقتا جاتىر. تالاي جىلدان بەرى اۋا رايىنىڭ قولايسىز كەزىندە جول ازابىن ءجيى تارتاتىن العاباستىقتار بيىل سول بەينەتتىڭ ازاياتىنىنا قۋانىپ ءجۇر. ويتكەنى جول سالىنىپ جاتىر.
باتىس قازاقستان وبلىسىندا بىلتىر 368 شاقىرىم جول جوندەلسە, بيىل مەملەكەت قازىناسىنان ءوڭىردىڭ 436,5 شاقىرىم جولىن جاڭعىرتۋعا 36,2 ملرد تەڭگە قاراجات قاراستىرىلعان بولاتىن. وسىناۋ جاقسى جاڭالىقتىڭ يگىلىگى العاباس اۋىلىن دا شارپىدى. العاباستىڭ جولىن جاڭعىرتۋعا 2 234,61 ملن تەڭگە قاراستىرىلسا, سونىڭ 964,3 ملن تەڭگەسى بيىل يگەرىلۋى كەرەك. مەردىگەر «جاي̆ىققۇرىلىس» جشس جالپى ۇزىندىعى 36,12 شاقىرىم جولدى ەكى جىل ىشىندە سالىپ بىتىرمەك. بيىل مەجەلەنگەن 16 كم جولدىڭ 12 شاقىرىمى دايىن بولعان. قۇرىلىسقا 33 تەحنيكا, 70 جولشى جۇمىلعان. وتكەن تامىز ايىندا باستالعان جول قۇرىلىسى 2021 جىلدىڭ ماۋسىم ايىنا دەيىن اياقتالۋى ءتيىس. جولدىڭ ساپاسىن ءتيىستى مەكەمەلەردەن بولەك ءوڭىر باسشىلارىنىڭ وزدەرى دە مۇقيات قاداعالاپ وتىر.
العاباس اۋىلىنداعى تاعى ءبىر قۋانىش – 1984 جىلى سالىنعاننان بەرى كۇردەلى جوندەۋ كورمەگەن اۋىل مەكتەبىنىڭ جاڭعىرتىلۋى ەدى. كارانتين سەبەبىنەن قاجەتتى قۇرىلىس ماتەريالدارى ۋاقىتىندا جەتكىزىلمەي, كۇردەلى جوندەۋ مەرزىمى ءبىر ايعا ۇزارسا دا اۋىل تۇرعىندارىنىڭ كوڭىلى كوتەرىڭكى. مەكتەپتى جاڭعىرتۋعا رەسپۋبليكا بيۋدجەتىنەن 678 305 ميلليون تەڭگە بولىنگەن. 624 وقۋشىعا ارنالعان مەكتەپ عيماراتىنىڭ جانىندا 80 ورىندىق ينتەرناتى دا بار. بيىلعى وقۋ جىلىندا 292 وقۋشى تىركەلگەن بولسا, سونىڭ 81-ءى كەزەكشى سىنىپتاردا مەكتەپكە بارىپ ءبىلىم الىپ ءجۇر ەكەن. بارلىق قۇرال-جابدىعى جاڭارتىلعان سىڭعىرلاعان مەكتەپ عيماراتى وقۋشىلاردىڭ ساباق ۇلگەرىمىن كوتەرۋگە دە اسەر ەتەرى ءسوزسىز.