بۇگىن «Nazarbayev ortalygy» دامىتۋ ورتالىعىنىڭ جاڭا عيماراتىندا ء«تاتتى الما» ادەبي جيناعىنىڭ VI تومى مەن « ۇلى دالا اڭىزدارى» كوميكستەرىنىڭ تۇساۋكەسەرى ءوتتى, - دەپ حابارلايدى Egemen.kz
شاراعا قوناق بولىپ «بالاپان» تەلەارناسىنىڭ جۇرگىزۋشىلەرى مەن جاڭا دامىتۋ ورتالىعىنىڭ وقۋشىلارى كەلىپ قاتىستى. تۇساۋكەسەردىڭ الدىندا «ەر-توستىك باتىر» مەن «كەنجەكەي ارۋ» بالالارعا عيماراتتىڭ ادەمى جەرلەرىن كورسەتىپ, لاۋندج-زالعا شاقىردى. ء«تاتتى المانىڭ» بازارلىعى, قىزىلدى-جاسىلدى كوميكستەر ادەمى بەزەندىرىلگەن ورىننىڭ كوركىن كىرگىزىپ, ءدامدى داممەن تولتىرىلعان ۇستەلدەر قاتىسۋشىلاردى قۋانتتى.
بالالار نۇرسۇلتان نازارباەۆ قورى مەن مەملەكەتتىك ءتىلدى دامىتۋ قورى شىعارعان ء«تاتتى الما» ادەبي جيناعىنىڭ VI تومى مەن ۇشتىلدەگى كوميكستەرمەن تانىستى. وسى ۋاقىتقا دەيىن ادەبي جيناق ءوزىنىڭ جەكە برەندىن قالىپتاستىرىپ ۇلگەرگەن. بۇنىڭ سەبەبى, جىلدار بويعى تۇراقتىلىق پەن ماعىنالى مازمۇنىندا. ء«تاتتى المادا» العاشقى تومىنان باستاپ مەيىرىمدىلىك پەن قورشاعان ورتاعا دەگەن ماحابباتقا باۋليتىن اڭگىمەلەر, نەشەتۇرلى قيال-عاجايىپ ەرتەگىلەر, قىزىقتى ساحنالىق قويىلىمدار مەن زاماناۋي اقىنداردىڭ ولەڭدەرى جارىق كوردى. سونىمەن قاتار, بالالار ادەبي جيناقتى «Tattialma.kz» ءموبيلدى قوسىمشاسى مەن سايتىنان وقي الادى. جيناقتىڭ 1-2 تومى ەلباسىنىڭ مەملەكەتتىك ءتىلدى دامىتۋ قورىنا ءتىل جايلى جوبالاردى ىسكە اسىرۋعا سىيعا تارتقان قاراجاتىنا جارىق كوردى.
«رۋحاني جاڭعىرۋ» باعدارلاماسى مەن ەلباسىنىڭ « ۇلى دالانىڭ جەتى قىرى» ماقالاسىندا ايتىلعان يگى ماقساتتاردى جۇزەگە اسىرۋ اياسىندا, مەملەكەتتىك ءتىلدى دامىتۋ قورى قازاق حالقىنىڭ مادەني, ادەبي جانە رۋحاني جەتىستىكتەرىن دامىتۋعا باعىتتالعان جۇمىستارىن جۇرگىزىپ كەلەدى.
وسىعان وراي, « ۇلى دالا اڭىزدارى» (لەگەندى ۆەليكوي ستەپي) ونلاين جوباسى اياسىندا ۆەب-گرافيكالىق روماندار سەرياسىن ازىرلەۋدى قولعا الىپ, قازاق, ورىس جانە اعىلشىن تىلدەرىندەگى «Qazcomics.kz» ۆەب-سايتى مەن ءموبيلدى قوسىمشاسىن ىسكە قوسقان. ال بيىلعى جىلى كوميكستەردى ءۇش تىلدە باسپا بەتىنە شىعاردى.
« ۇلى دالا اڭىزدارى» جوباسى عاسىردان عاسىرعا, ۇرپاقتان ۇرپاققا جەتكەن قازاق حالقىنىڭ تاريحى مەن اڭىزدارى تۋرالى سىر شەرتەتىن « ۇلى ماحاببات تۋرالى جەتى حيكايا» جانە «قازاق جەرىنىڭ ۇلى باتىرلارى» دەپ اتالاتىن ەكى بولىمنەن تۇرادى. اڭىزدار مازمۇنى قازاقستاننىڭ كيەلى ورىندارىنىڭ تاريحىمەن استاسىپ جاتىر, اڭگىمەلەر ارقاۋى كوپشىلىككە كيەلى جەرلەر تۋرالى تولىعىراق مالىمەت الۋعا مۇمكىندىك بەرەدى.
تۇساۋكەسەردىڭ سوڭىندا بالالار ويىندار ويناپ, سۇراقتارعا جاۋاپ بەرۋ ارقىلى سىيلىققا كوميكستەر مەن كىتاپتار الدى. جاپوندىق مانگالاردىڭ جانكۇيەرلەرى بولىپ ۇلگەرگەن بالالاردىڭ ايتۋىنشا ادەمى سالىنعان قازاقشا ماتىندەگى كوميكستەردى ءبىرىنشى رەت كورىپ تۇر ەكەن.