جامبىل وبلىسىندا الەۋمەتتىك تاۋارلاردىڭ باعاسىن تۇراقتاندىرۋ جۇمىستارى جۇرگىزىلىپ جاتقانىمەن, كوپشىلىك ءۇشىن اسا قاجەتتى ازىق-ت ۇلىك باعالارى قىمباتتاعانى بايقالۋدا. وڭىرلىك كوممۋنيكاتسيالار قىزمەتىنىڭ الاڭىندا وتكەن بريفينگتە وبلىستىق اۋىل شارۋاشىلىعى باسقارماسى باسشىسىنىڭ ورىنباسارى جاندوس جاقىپوۆ الەۋمەتتىك ماڭىزى بار ازىق-ت ۇلىك تاۋارلارىنىڭ باعاسىن تۇراقتاندىرۋ شارالارىنا توقتالدى.
– بيداي باعاسىنىڭ تۇراقسىزدىعى كەيبىر ازىق-ت ۇلىك باعالارىنىڭ وزگەرۋىنە اسەر ەتۋدە. باعا كوتەرىلمەۋى ءۇشىن بۇرىنعىداي بيدايدىڭ مەملەكەتتىك قورىن جيناقتاۋ جولىن قاراستىرۋ قاجەت, – دەدى ول.
قازىرگىدەي قاۋىپتى ىندەت قوس بۇيىردەن قىسىپ تۇرعان ۋاقىتتا كوپشىلىك ءۇشىن كۇندەلىكتى تۇتىناتىن تاۋار باعاسىنىڭ تۇراقتىلىعى وتە ماڭىزدى. وكىنىشكە قاراي, ءبىر جىل ىشىندە قاراقۇمىق – 33 پايىزعا, وسىمدىك مايى – 13,9, ءسابىز – 14,9, كارتوپ – 16,1 پايىزعا, سارى ماي باعاسى – 11,5 پايىزعا قىمباتتاعان. وسىلايشا اتالعان ونىمدەردىڭ جىلدىق ءوسىم ديناميكاسى ينفلياتسياعا ۇشىرادى.
وتكەن اپتادا عانا تاۋىق جۇمىرتقاسى – 2,1, كۇنباعىس مايى 1,9 جانە قىرىققابات باعاسى 1,2 پايىزعا كوتەرىلگەن. تاۋار باعالارى نە سەبەپتى قىمباتتاعانعا كەلەر بولساق, بۇعان سىرتقى نارىقتاعى كۇنباعىس ءدانى, قىرىققابات جانە تاۋىق جۇمىرتقاسى سياقتى تاۋارلاردىڭ يمپورتى اسەر ەتكەن. جەرگىلىكتى تۇرعىنداردىڭ الەۋمەتتىك جاعدايىن ەسكەرە وتىرىپ, وبلىس ورتالىعىنداعى 12 ساۋدا ورنىندا الەۋمەتتىك سورەلەر ارنايى اشىلعان. بۇل جەردە ازىق-ت ۇلىك باعاسى ارزان باعادا ساۋدالانادى.
بۇدان بولەك, تاراز قالاسىنداعى 7 دۇڭگىرشەك تۇراقتى جۇمىس ىستەيدى. مۇندا جىل باسىنان بەرى حالىققا 11 الەۋمەتتىك تاۋار ءتۇرى نارىق باعاسىنىڭ 8-20 پايىزعا تومەن باعادا بەرىلگەن. ساۋدالانعان تاۋارلاردىڭ جالپى كولەمى 954,3 توننانى قۇرايدى.
بۇگىندە وبلىستاعى تۇراقتاندىرۋ قورىنىڭ قويماسىندا 2273,6 توننا الەۋمەتتىك ازىق-ت ۇلىك تاۋارى بار. قويماداعى ازىق-ت ۇلىك تۇرعىنداردى قامتاماسىز ەتۋگە ارنالعان. ونىڭ ىشىندە فورۆاردتىق كەلىسىم بويىنشا 320 توننا نان, 398 مىڭ دانا تاۋىق جۇمىرتقاسى, 3,2 توننا تۇز, 700 توننا قانت, 22 توننا تاۋىق ەتى, 10 توننا ءسۇت, سونداي-اق 428,3 توننا كارتوپ, 332 توننا پياز جانە 191 توننا ءسابىز بوساتىلاتىن بولادى.
– قازىرگى كەزدە تۇراقتاندىرۋ قورىنىڭ ەسەبىندە 837,3 ميلليون تەڭگە قاراجات بار. ونىڭ 154 ميلليون تەڭگەسىن قاراشا ايىنان باستاپ اينالىمعا قوسىپ, ساۋدا جەلىلەرى مەن تاۋار وندىرۋشىلەرگە نەسيە رەتىندە بەرىپ وتىرمىز. قازىر كوروناۆيرۋس ىندەتى حالىقتى قىسپاققا الۋدا. سوندىقتان دا قيىن كەزدە قاراپايىم تۇرعىندارعا سالماق تۇسپەۋ ءۇشىن باعالاردىڭ نەگىزسىز وسۋىنە جول بەرمەۋ كەرەك. بۇل ماقساتتا تاراز قالاسىنىڭ نەگىزگى 12 ءىرى ساۋدا ورنىندا باعالاردى مونيتورينگىلەيتىن 4 موبيلدىك توپ جاساقتالدى, – دەيدى جاندوس جاقىپوۆ.
جامبىل وبلىسى