بىرىڭعاي ەلەكتر ەنەرگەتيكالىق جۇيەسىنىڭ (بەج) سولتۇستىك جانە وڭتۇستىك ايماقتارىن جالعاپ تۇرعان ەلەكتر جەتكىزۋ جەلىلەرىنىڭ وتكىزۋ مۇمكىندىگىن ەسكەرە وتىرىپ, ەلەكتر قۋاتىنىڭ ورتالىقتاندىرىلعان ساۋدا-ساتتىعى ءوتتى. ساۋدا-ساتتىق ەلەكتر ەنەرگياسى مەن قۋاتى نارىعىنىڭ قازاقستاندىق وپەراتورى – «ەقنقو» اق-نىڭ الاڭىندا ءوتتى.
بەج-ءىنىڭ سولتۇستىك جانە وڭتۇستىك ايماقتارىنا تيەسىلى ساۋدا-ساتتىقتىڭ جيىنتىق كولەمى 5178,91 مۆت-تى قۇرادى. ەلەكتر قۋاتىنىڭ دايىندىعىن قامتاماسىز ەتۋ بويىنشا ۇسىنىلعان قىزمەتتىڭ جيىنتىق كولەمى – 5875 مۆت.
الدىن الا جاسالعان ەسەپتەۋلەر بويىنشا, «سامۇرىق-ەنەرگو» اق-تىڭ ەلەكتر ستانسالارى ساۋدا-ساتتىقتا 2768 مۆت ەلەكتر قۋاتىن ساتقان, سونىڭ ىشىندە: «الماتى ەلەكتر ستانسالارى» اق – 490 مۆت, «ەكىباستۇز گرەس-2 ستانساسى» اق – 625 مۆت, «ب.نۇرجانوۆ اتىنداعى ەكىباستۇز گرەس-1» جشس – 1653 مۆت.
ەلەكتر قۋاتىن ساتۋ ناتيجەلەرى «سامۇرىق-ەنەرگو» اق-تىڭ ەنەرگەتيكالىق جابدىعىنىڭ 2021 جىلى توقتاۋسىز جۇمىس ىستەۋىن قامتاماسىز ەتۋگە مۇمكىندىك بەرەدى.
تۇتاس العاندا, 2020 جىلعى قاڭتار-قازان ارالىعىندا قازاقستاننىڭ ەلەكتر ستانسالارى 87 186,3 ملن كۆت ساع. ەلەكتر ەنەرگياسىن وندىرگەن, بۇل 2019 جىلعى وسى كەزەڭمەن سالىستىرعاندا 1,5%-عا كوپ. ەلەكتر ەنەرگياسىن وندىرۋدەگى ءوسىم قازاقستاننىڭ بىرىڭعاي ەنەرگەتيكالىق جۇيەسىنىڭ بارلىق ايماعىندا بايقالدى.
قازاقستاننىڭ ەلەكتر ەنەرگياسى مەن كومىرىنىڭ نارىعىنا 2020 جىلعى قاڭتار-قازان ارالىعىندا «سامۇرىق-ەنەرگو» اق جۇرگىزگەن تالداۋعا ساي, بايلانىسقان ەلەكتر ەنەرگياسىن ءوندىرۋ 42,8 ملرد كۆتساع. قۇرادى, بۇل 2019 جىلعى وسى كەزەڭمەن بىردەي. سونىمەن بىرگە 2019 جىلعى قاڭتار-قازان ايلارىمەن سالىستىرعاندا, بايلانىسقان ەلەكتر ەنەرگياسىن ءوندىرۋ ۇلەسى بۇرىنعى دەڭگەيدە قالىپ, قازاقستانداعى جالپى ەلەكتر ەنەرگياسىن ءوندىرۋ كولەمىنىڭ 49,9%-ءىن قۇرادى.
بۇل ورايدا, «سامۇرىق-ەنەرگو» اق ەنەرگيا ءوندىرۋشى ۇيىمدارىنىڭ 2020 جىلعى قاڭتار-قازان ايلارىندا وندىرگەن ەلەكتر ەنەرگياسىنىڭ كولەمى 24 083,1 ملن كۆت ساعاتتى قۇرادى نەمەسە 2019 جىلعى وسى كەزەڭنىڭ كورسەتكىشتەرىمەن سالىستىرعاندا ءوسىم – 0,3%.
Cجرا ۇلتتىق ستاتيستيكا بيۋروسىنىڭ اقپاراتى بويىنشا, قازاقستاندا 2020 جىلعى قاڭتار-قازان ايلارىندا 87,8 ملن توننا تاس كومىر ءوندىرىلدى, بۇل 2019 جىلعى وسى كەزەڭگە قاراعاندا 2%-عا از (89,1 ملن توننا).
«سامۇرىق-ەنەرگو» اق جانە رەسەيلىك «رۋسال» بك تەڭ نەگىزدە باسقاراتىن كومىر ءوندىرۋشى كومپانيا – «بوگاتىر كومىر» جشس وسى كەزەڭ ىشىندە 35,1 ملن توننا كومىر ءوندىردى, بۇل 2019 جىلعى وسى كەزەڭگە قاراعاندا 3%-عا از. جىل باسىنان بەرگى 10 ايدىڭ ىشىندە 35,1 ملن توننا كومىر ساتىلدى, سونىڭ ىشىندە: قازاقستاننىڭ ىشكى نارىعىنا 26,7 ملن توننا ساتىلدى جانە 8,4 ملن توننا ەكسپورتقا (رف) شىعارىلدى.
«سامۇرىق-ەنەرگو» اق-تىڭ جەك وبەكتىلەرى (كەس, جەس جانە شاعىن سەس-تەر) 2020 جىلعى قاڭتار-قازان ايلارىندا 278,5 ملن كۆتس ەلەكتر ەنەرگياسىن نەمەسە جەك وبەكتىلەرى وندىرگەن ەلەكتر ەنەرگياسىنىڭ جالپى كولەمىنىڭ 10,3 پايىزىن ءوندىردى, بۇل 2019 جىلعى وسى كەزەڭمەن سالىستىرعاندا 5,3 پايىزعا تومەن.
كومپانيانىڭ 2020 جىلعى قاڭتار-قازان ايلارىندا «تازا» ەلەكتر ەنەرگياسىن وندىرۋدەگى ۇلەسى (كەس, جەس, ءىرى جانە شاعىن سەس-تەر) 2019 جىلعى وسى كەزەڭگە قاراعاندا (2 514,8 ملن كۆتس) – 8,7 %-عا تومەندەدى (2 296,6 ملن كۆتساع).
«سامۇرىق-ەنەرگو» اق – قازاقستانداعى اسا ءىرى ەلەكتر ەنەرگەتيكالىق حولدينگ, اكتسيالارىنىڭ 100%-ى «سامۇرىق-قازىنا» ۇاق» اق-عا تيەسىلى. 2007 جىلى قۇرىلعان. جۇمىسىنىڭ نەگىزگى باعىتتارى: ەلەكتر جانە جىلۋ ەنەرگياسىن ءوندىرۋ; ەلەكتر ەنەرگياسىن جەتكىزۋ, ءبولىپ-تاراتۋ جانە ساتۋ; ەنەرگەتيكالىق كومىر ءوندىرۋ. حولدينگتىڭ قۇرامىنا ەنەرگيا جانە كومىر ءوندىرۋ كاسىپورىندارى, سونىڭ ىشىندە: «ەكىباستۇز گرەس-1» جشس, «ەكىباستۇز گرەس-2 ستانساسى» اق, «بوگاتىر كومىر» جشس, «الماتى ەلەكتر ستانسالارى» اق, «و.د.قانتاەۆ اتىنداعى مويناق سۋ ەلەكترستانساسى» اق, «شاردارا سەس» اق جانە ت.ب. كىرەدى.