"توميريس" ءفيلمى الەمدىك كاسكادەرلەر اكادەمياسىنىڭ "تاۋرۋس" سىيلىعىنا يە بولدى, دەپ حابارلايدى Egemen.kz.
"تاۋرۋس" بىزدىكى! سىزدەرمەن ۇلكەن قۋانىشىمىزبەن بولىسۋگە اسىقپىز: "توميريس" ءفيلمى الەمدىك كاسكادەرلەر اكادەمياسىنىڭ (اقش) "تاۋرۋس" سىيلىعىن جەڭىپ الدى. بۇل – كاسكادەرلەردىڭ "وسكارى" سانالاتىن جوعارى ماراپات. تۇڭعىش رەت ەلىمىزدىڭ تاريحىندا قازاقستاندىق فيلم "شەتەلدىك فيلمدەگى تريۋكتەر قويىلىمى" نوميناتسياسىندا ۇزدىك دەپ تانىلدى. Nomad Stunts-قا سەنگەندەرىڭىز ءۇشىن جانە قولداۋلارىڭىز ءۇشىن كوپ راحمەت! اقان ساتاەۆ پەن "توميريس" ءفيلمىنىڭ كومانداسىنا العىسىمىزدى بىلدىرەمىز", دەپ جازىلعان Nomad Stunts توبىنىڭ Facebook پاراقشاسىندا.