قۇتقارۋشىلارعا 20 قاراشا, 22:50 شاماسىنداتارباعاتاي اۋدانى, تۇعىل اۋىلىنان ەكى بالىقشىنىڭ زايسان كولىندە جوعالىپ كەتكەنى تۋرالى حابار كەلىپ تۇسكەن, دەپ حابارلايدى Egemen.kz.
قاۋىپسىز مۇزدىڭ قالىڭدىعى كەمى 10 سم بولسا, بۇل كۇنى مۇزدىڭ قالىڭدىعى 4 سم عانا بولعان.
قۇتقارۋشىلار حابارلاما الا سالا تارباعاتاي اۋدانىنىڭ تجب باستىعى اكىمدىك وكىلدەرىمەن بىرگە اقپاراتتى انىقتاۋ ءۇشىن دەرەۋ جەتكەن. الايدا, سۋ بەتىنە قاتقان قابىرشاق مۇز كول بەتىنە قايىقپەنشىعۋعا مۇمكىندىك بەرمەدى. 21 قاراشا كۇنى تاڭەرتەڭ وسكەمەننەن ارنايى 5 قۇتقارۋشى, 1 بىرلىك تەحنيكا جانە 1 بىرلىك "پەگاس" كەمەسى جىبەرىلدى. سونداي-اق بالىقشىلاردى ىزدەۋ ءۇشىن مي-8 تىكۇشاعى ۇيىمداستىرىلدى. بىراق اۋەدەن ىزدەۋدىڭ ءوزى ناتيجە بەرمەي جاتىر.
ىزدەۋ جۇمىستارىنا جەرگىلىكتى تۇرعىندار دا كىرىسكەن. ولار جاعادان ءبىر شاقىرىم قاشىقتىقتا جوعالعان بالىقشىلار قايىعىنىڭ بوس بەنزين باگىن تاۋىپ العان. ىزدەۋ ناتيجەسىز بولعان سوڭ كۇرشىم اۋىلىنان سۇڭگۋىرلەر كەلىپ جەتكەن. قازىرگى ۋاقىتتا 1990 جانە 1981 جىلى تۋعان بالىقشىلاردى ىزدەستىرۋ جالعاسۋدا.
شىعىس قازاقستان وبلىسى