بۇل تۋرالى وبلىستىق پوليتسيا دەپارتامەنتىنىڭ ءباسپاسوز قىزمەتى ءمالىم ەتتى.
«18 قاراشادا ساعات 16:51-دە «102» پۋلتىنە «جۇلدىز-2» شاعىن اۋدانىنىڭ تۇرعىنىنان ءيتتىڭ كىشكەنتاي بالانى تالاعانى تۋرالى حابار ءتۇستى. وقيعا ورنىنا جەدەل جەتكەن پوليتسيا قىزمەتكەرلەرى ەكى جاسار بالانىڭ باسى مەن قولىنان جاراقات العانىن انىقتادى. كىشكەنتاي ءبۇلدىرشىن وبلىستىق بالالار اۋرۋحاناسىنا جەتكىزدى.
ىزدەۋ شارالارى كەزىندە بالانى تىستەگەن ءيتتى سول شاعىن اۋدانداعى وندىرىستىك بازالاردىڭ ءبىرىنىڭ اۋماعىنان ۇستادى. ءيتتىڭ يەسى اتىراۋ قالاسىنىڭ 35 جاستاعى تۇرعىنى بولىپ شىقتى» دەپ حابارلادى دەپارتامەنتتىڭ ءباسپاسوز قىزمەتى.
قاباعان ءيتتىڭ يەسىنە قاتىستى قر اكىمشىلىك قۇقىقبۇزۋشىلىق تۋرالى كودەكستىڭ 408-بابىنىڭ 2-بولىگى (اۋىل شارۋاشىلىعى جانۋارلارىن جايۋ ەرەجەلەرىن, يتتەر مەن مىسىقتاردى اسىراۋ جانە سەرۋەندەتۋ ەرەجەلەرىن, قاڭعىباس يتتەر مەن مىسىقتاردى اۋلاۋ جانە جويۋ ەرەجەلەرىن بۇزۋ) اكىمشىلىك حاتتاما تولتىرىلدى.