قازاقستان رەسپۋبليكاسىنىڭ سىرتقى ىستەر ءمينيسترى مۇحتار تىلەۋبەردى كورەيا رەسپۋبليكاسىنىڭ قر-داعى ەلشىسى كۋ حونگ سوكتى قابىلدادى, دەپ حابارلايدى Egemen.kz.
سۇحباتتاسۋشىلار ەكىجاقتى ستراتەگيالىق سەرىكتەستىكتىڭ جاعدايىن جانە ونى ودان ءارى دامىتۋ پەرسپەكتيۆالارىن تالقىلادى.
م.تىلەۋبەردى اسا جوعارى دەڭگەيدەگى تۇراقتى ساياسي ديالوگتى جانە ەكىجاقتى ەكونوميكالىق ىنتىماقتاستىقتىڭ جوعارى قارقىنىن اتاپ ءوتتى.
ەكى ەل ۇكىمەتارالىق كوميسسياسىنىڭ 9-شى وتىرىسىن ءساتتى وتكىزۋ ساۋدا-ەكونوميكالىق ءوزارا ءىس-قيمىلدى دامىتۋعا قوسىمشا ۇلەس قوستى.
جاقىن ارادا وتەتىن "ورتالىق ازيا - كورەيا رەسپۋبليكاسى" مينيسترلىك ىنتىماقتاستىق فورۋمىنا, قازاقستاندا وڭتۇستىك كورەيانىڭ ينۆەستيتسيالىق جوبالارىن ىلگەرىلەتۋگە, دەنساۋلىق ساقتاۋ, ءبىلىم بەرۋ, اقپاراتتىق تەحنولوگيالار سالاسىنداعى ىنتىماقتاستىققا, سونداي-اق مادەني-گۋمانيتارلىق بايلانىستاردى نىعايتۋعا ەرەكشە نازار اۋدارىلدى.