2013 جىلعى 9 قىركۇيەك, استانا, ۇكىمەت ءۇيى
«استىق قابىلداۋ كاسىپورنى مەن استىق يەسى اراسىنداعى استىقتى ساقتاۋدىڭ جاريا شارتىنىڭ ۇلگى نىسانىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2001 جىلعى 24 قازانداعى № 1359 قاۋلىسىنا وزگەرىستەر ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:1. «استىق قابىلداۋ كاسىپورنى مەن استىق يەسى اراسىنداعى استىقتى ساقتاۋدىڭ جاريا شارتىنىڭ ۇلگى نىسانىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2001 جىلعى 24 قازانداعى №1359 قاۋلىسىنا (قازاقستان رەسپۋبليكاسىنىڭ ءپۇاج-ى, 2001 ج., №36-37, 475-قۇجات) مىناداي وزگەرىستەر ەنگىزىلسىن:كورسەتىلگەن قاۋلىمەن بەكىتىلگەن استىق قابىلداۋ كاسىپورنى مەن استىق يەسى اراسىنداعى استىقتى ساقتاۋدىڭ جاريا شارتىنىڭ ۇلگى نىسانىندا:2-ءبولىمنىڭ 1-تارماعىندا:4) تارماقشا مىناداي رەداكتسيادا جازىلسىن:«4) ۇلتتىق ستاندارتتاردا, تەحنيكالىق رەگلامەنتتەردە, تەحنيكالىق شارتتاردا جانە نورماتيۆتىك قۇقىقتىق اكتىلەردە بەلگىلەنگەن ساقتاۋ شارتتارىن ورىنداۋعا;»;6) تارماقشا مىناداي رەداكتسيادا جازىلسىن:«6) يەلەنۋشىنىڭ تالابى بويىنشا يەلەنۋشىنىڭ استىق قولحاتىنا ايىرباسقا استىقتى بوساتۋعا جازباشا ءوتىنىمىن تىركەگەن ساتتەن باستاپ كۇنتىزبەلىك ون كۇننەن كەشىكتىرمەي وتىنىمدە كورسەتىلگەن استىقتىڭ كولەمىن بوساتۋدى (تيەپ جىبەرۋدى) باستاۋعا جانە ونى «استىق تۋرالى» قازاقستان رەسپۋبليكاسى زاڭىنىڭ 31 جانە 40-باپتارىندا جانە وسى شارتتىڭ 2-تارماعىندا كوزدەلگەن جاعدايلاردى قوسپاعاندا, اقك-ءنىڭ تەحنيكالىق مۇمكىندىكتەرىنە سايكەس اياقتاۋعا مىندەتتەنەدى. استىقتى بوساتۋ (تيەپ جىبەرۋ) قازاقستان رەسپۋبليكاسى ۇكىمەتىنىڭ 2011 جىلعى 30 جەلتوقسانداعى № 1676 قاۋلىسىمەن بەكىتىلگەن استىقتىڭ ساندىق-ساپالىق ەسەبىن جۇرگىزۋ قاعيدالارىنا سايكەس جۇرگىزىلەدى;»;9) تارماقشا مىناداي رەداكتسيادا جازىلسىن:«9) جوسپارلى جوندەۋ جۇمىستارىن جۇرگىزۋگە بايلانىستى جوندەۋ جۇرگىزۋدى توقتاتۋعا دەيىن كەمىندە 45 كۇن بۇرىن, قازاقستان رەسپۋبليكاسى ۇكىمەتىنىڭ 2011 جىلعى 21 جەلتوقسانداعى № 1569 قاۋلىسىمەن بەكىتىلگەن استىقتى ساقتاۋ قاعيدالارىندا بەلگىلەنگەن مەرزىمنەن اسپاۋعا ءتيىس جوندەۋ جۇرگىزۋ مەرزىمدەرىن كورسەتە وتىرىپ, استىقتى قابىلداۋ مەن بوساتۋدىڭ (تيەپ جىبەرۋدىڭ) مۇمكىن ەمەستىگى تۋرالى يەلەنۋشىنى حاباردار ەتۋگە;»;13) تارماقشا مىناداي رەداكتسيادا جازىلسىن:«13) قازاقستان رەسپۋبليكاسى ۇكىمەتىنىڭ 2011 جىلعى 30 جەلتوقسانداعى № 1676 قاۋلىسىمەن بەكىتىلگەن استىقتىڭ ساندىق-ساپالىق ەسەبىن جۇرگىزۋ قاعيدالارىنا سايكەس استىقتى وسى شارتقا 1-قوسىمشادا بەلگىلەنگەن ساپالىق كورسەتكىشتەرگە دەيىن جەتكىزۋ ناتيجەسىندە الىنعان استىق قالدىقتارىن قايتارۋدى قامتاماسىز ەتۋگە مىندەتتەنەدى.»;4-ءبولىمنىڭ 1-تارماعى مىناداي رەداكتسيادا جازىلسىن:«1. وسى شارت قازاقستان رەسپۋبليكاسى ۇكىمەتىنىڭ 2011 جىلعى 21 جەلتوقسانداعى №1569 قاۋلىسىمەن بەكىتىلگەن استىقتى ساقتاۋ قاعيدالارىندا ايقىندالعان ساقتاۋ مەرزىمدەرىنەن اسپايتىن, يەلەنۋشىنىڭ تالاپ ەتۋىمەن بەلگىلەنگەن مەرزىمگە جاسالدى جانە ءوزىنىڭ قولدانىسىن تاراپتار وزدەرىنىڭ مىندەتتەمەلەرىن تولىق ورىنداعان جاعدايدا توقتاتادى.».2. وسى قاۋلى العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.قازاقستان رەسپۋبليكاسىنىڭ پرەمەر-ءمينيسترى س.احمەتوۆ.