Astana IT University قازاقستاندىق بيزنەس سەكتوردى قولداۋعا, ستۋدەنتتەردىڭ پراكتيكالىق داعدىلارىن دامىتۋعا باعىتتالعان AITU Project Challenge جوباسىن قولعا الدى.
ۇيىمداستىرۋشىلاردىڭ ايتۋىنشا, باعدارلاما جاڭارتىپ وتىرۋ, اقپارات ەنگىزۋگە مۇمكىندىگى بار ناقتى جاعدايلاردى شەشۋگە ارنالعان جوبالىق تاپسىرمالار سەرياسىنان تۇرادى. ول كەلەسىدەي رەتپەن جۇمىس ىستەيدى: كومپانيالار ۋنيۆەرسيتەتكە تاپسىرمالار بەرەدى, ال ستۋدەنتتەر كومپانيالارعا ءوز شەشىمدەرىن ۇسىنادى.
Astana IT University جاس ماماندار مەن وسى ماماندارعا مۇقتاج كومپانيالار اراسىندا بايلانىستىرۋشى كوپىر ءرولىن اتقارادى. جوعارى بىلىكتى پروفەسسور-وقىتۋشىلار قۇرامى ۇسىنىلعان مىندەتتەردى شەشۋ كەزىندە قاتىسۋشىلاردى تولىق قاداعالاپ, باعىتتاپ وتىرادى. ستۋدەنتتەردىڭ ناقتى جوبالاردى ورىنداۋ مەن توپتىق جۇمىس داعدىلارىن دامىتۋ, سونداي-اق كومپانيالاردىڭ تسيفرلى ترانسفورماتسياسىندا ەلدىڭ بيزنەس سەكتورىنا كومەكتەسۋدى ماقسات ەتكەن جوبا كەلەشەكتە باسەكەگە قابىلەتتى, نارىق سۇرانىسىن بولجاي بىلەتىن بىلىكتى ماماندار قاتارىن كوبەيتۋگە ۇمتىلادى.
جوباعا قوسىلۋ ءۇشىن ستۋدەنتتەر الدىمەن Moodle جۇيەسىمەن بىرىكتىرىلگەن ەمتيحان تاپسىرۋ ماقساتىندا ونلاين پروكتەرينگ ازىرلەۋگە مىندەتتى. قاتىسۋشىلار تاپسىرمانى كومپيۋتەر كامەراسىمەن نەمەسە ۇيالى تەلەفونمەن ورىنداي الادى. وسىلايشا, دايىن تاپسىرمانى Moodle ارقىلى ەمتيحان قابىلداۋشى بەتىنە جىبەرەدى. بۇل دا جاستاردى يننوۆاتسيالىق تەحنولوگيانى قولدانۋعا ىنتالاندىرىپ, بەيىمدەيدى.
پروكتوردىڭ (ەمتيحان قابىلداۋشى) ەمتيحان تاپسىرۋشىنى سايكەستەندىرۋگە جانە كۇدىكتى ارەكەتتەردى تىركەۋگە مۇمكىندىگى بولادى. جۇيە ءار ەمتيحان ءۇشىن جيىنتىق ەسەپ بەرۋى كەرەك.
جوبا بويىنشا جۇمىس بارىسىندا ستۋدەنتتەر كوماندالارعا بىرىكتىرىلىپ, وقىتۋشىلاردىڭ جەتەكشىلىگىمەن كىرىسپە كەزەڭىندە جۇمىس ىستەي باستادى. اتاپ ايتقاندا, كەيس شەشىمدەرىن پرەزەنتاتسيا تۇرىندە دايىندايدى.
كەلەسى كەزەڭدە ستۋدەنتتەرگە Moodle پلاتفورماسىن پروكتورينگ قىزمەتىنە قوسۋ, بەينەنى جىبەرۋگە جانە قابىلداۋعا مۇمكىندىك بەرەتىن پاراققا ەنگىزۋ ءۇشىن كود جازۋ كەرەك.
ەكىنشى كەزەڭدە وقۋشىلار ءوز جوبالارىن ىسكە قوسىپ جانە ماشينالىق وقىتۋعا بايلانىستى سەرۆيستى قولعا الادى. ماشينالىق وقىتۋدىڭ ءوزى ەمتيحان تاپسىراتىن جانە بارلىق وزگەرىس پەن كۇدىكتى ارەكەتتەردى جازاتىن ادامنىڭ ارەكەتتەرىنىڭ زاڭدىلىعىن انىقتايدى. بۇل جۇمىستىڭ اشىقتىعى مەن ەرەجەلەردىڭ بۇزىلماۋىن قامتاماسىز ەتەدى.
قازىرگى ۋاقىتتا ستۋدەنتتەردىڭ جوبالارى قورىتىندى كەزەڭدە. پروكتورينگ جۇيەسىنىڭ جوباسى قاراشادا اياقتالادى. قاتىسۋشىلار Astana IT University جوسپارىنا سايكەس, كۇزگى ەمتيحان كەزىندە تەستىلەۋدەن وتەدى.
ۇزدىك دەپ تانىلعان كوماندا ءوز جوباسىن ودان ءارى قاراي دامىتۋعا مۇمكىندىك الادى. قازىرگى ۋاقىتتا «اتامەكەن» ۇكپ, GTS System جانە «تەحنولوگيالار ترانسفەرى ورتالىعى» كومپانيالارىنان AITU Project Challenge جوبالارى ءۇشىن تاپسىرمالار جاساقتالىپ جاتىر. وسى سالاداعى تاپسىرماسى, كەيسى بار ستۋدەنتتەرمەن سەرىكتەستىككە ءازىر كەز كەلگەن كومپانيا ءوز حاتتارىن ۋنيۆەرسيتەت پوشتاسىنا جىبەرە الادى.