"زاڭ جوباسىندا ۇلتتىق قوردان 2021 جىلعا ارنالعان رەسپۋبليكالىق بيۋدجەتكە 2 700 ملرد تەڭگە, 2022 جىلعا - 2 400 ملرد تەڭگە, 2023 جىلعا - 2 200 ملرد تەڭگە سوماسىندا كەپىلدەندىرىلگەن ترانسفەرت مولشەرىن ايقىنداۋ كوزدەلگەن", دەدى قر ۇلتتىق ەكونوميكا ءمينيسترى رۋسلان دالەنوۆ سەناتتىڭ جالپى وتىرىسىندا.ءمينيستردىڭ ايتۋىنشا, زاڭ جوباسىندا كەپىلدەندىرىلگەن ترانسفەرتتى پايدالانۋدىڭ ماقساتتى باعىتى انىقتالعان.
"ۇلتتىق قوردان كەپىلدەندىرىلگەن ترانسفەرتتى ىنتىماقتى زەينەتاقىلاردى, رەسپۋبليكالىق بيۋدجەتتەن مەملەكەتتىك بازالىق زەينەتاقى تولەمدەرىن تولەۋگە باعىتتاۋ ۇسىنىلادى. 2021-2023 جىلدارعا ايقىندالعان ۇلتتىق قوردان كەپىلدەندىرىلگەن ترانسفەرتتىڭ مولشەرى ۇلتتىق قورداعى قاراجاتتىڭ ازايتىلمايتىن قالدىعى بويىنشا ءىجو - ءنىڭ 30% مولشەرىندە شارتتاردىڭ ورىندالۋىن قامتاماسىز ەتەدى", دەدى مينيستر.