تۇركىستان وبلىسى ورداباسى اۋدانىندا جاڭا يننوۆاتسيانى قولدانۋ ارقىلى 60 گەكتارعا "BS-Agro Product" جشس سۋارۋدى قاجەت ەتپەيتىن "سitrullus Lanatus" سۇرىپتى قاربىز كوشەتىن وتىرعىزىپ, 6,6 توننا ءونىم جيناپ العان. ءدال وسى قاربىزدىڭ ءدانى شەتەلدىك كوسمەتولوگيا سالاسىندا ۇلكەن سۇرانىسقا يە. سەرىكتەستىك جينالعان ءونىمدى يزرايل مەملەكەتىنە ەكسپورتتاۋدى جوسپارلاۋدا, دەپ حابارلايدى Egemen.kz
اۋدان اكىمى نۇربول تۇراشبەكوۆتىڭ مالىمەتىنشە, اۋىلشارۋاشىلىعى سالاسىنداعى ءونىم كولەمى 43 ملرد 175 ملن تەڭگە بولىپ, وتكەن جىلدىڭ ءتيىستى كەزەڭىمەن سالىستىرعاندا 5 ملرد 371 مىڭ تەڭگەگە ارتقان. بيىلدىڭ 10 ايىندا اۋىل شارۋاشىلىعى سالاسىندا 5 ملرد 139 ملن تەڭگە كولەمىندە ينۆەستيتسيا تارتىلدى. بۇل وتكەن جىلدىڭ ءتيىستى كەزەڭىمەن سالىستىرعاندا 1,6 ەسەگە كوپ.
اۋدان بويىنشا جالپى سىيىمدىلىعى 38050 توننا ءونىم جينايتىن 16 قويما بار. سونىمەن قاتار, بيىل بادام اۋىل وكرۋگىنەن "الەكساندروۆسكي ساد" جشس-ءنىڭ جەمىس-جيدەك ونىمدەرىن باستاپقى وڭدەۋمەن اينالىساتىن سىيىمدىلىعى 1670 توننالىق, قۇنى 815 ملن تەڭگە بولاتىن زاماناۋي قويمانى ىسكە قوسۋ كوزدەلۋدە.