پاۆلودار قالاسىنىڭ تۇرعىندارى ءوڭىر باسشىسىنا تۇرعىن ءۇيدىڭ قاپتاماسىن قالپىنا كەلتىرۋ جانە اتموسفەرالىق اۋانى باقىلاۋعا ارنالعان شاعىن ستانتسيا ورناتۋعا رۇقسات بەرۋ تۋرالى وتىنىشتەرىن جەتكىزدى, دەپ حابارلايدى Egemen.kz رavlodarnews.kz سايتىنا سىلتەمە جاساپ.
پاۆلودار وبلىسى اكىمى باسپاسوز قىزمەتىنىڭ مالىمەتىنشە, بەينەكونفەرەنتسيا بايلانىسى رەجيمىندە وتكەن پاۆلودار وبلىسى اكىمىمىڭ جەكە قابىلداۋىنا مايرا كوشەسىندەگى №1 ءۇيدىڭ تۇرعىندارى جازىلدى. ولار كوپ قاباتتى تۇرعىن ءۇيدىڭ قاپتاماسىنا قاتىستى ماسەلەنى كوتەردى – قاپتاۋ ماتەريالى عيماراتتىڭ قابىرعاسىنان كەسەك-كەسەك بولىپ ءتۇسىپ جاتىر. پاۆلودارلىقتاردىڭ ايتۋىنشا, بۇل ءۇيدىڭ سىرتقى ءتۇرىن بۇزىپ قانا قويماي, قىستا پاتەرلەردەگى تەمپەراتۋرالىق رەجيمگە دە كەرى اسەر ەتەدى. ابىلقايىر سقاقوۆ قالالىق اكىمدىك وكىلدەرىنە ماسەلەنى شەشۋدى تاپسىردى.پاۆلودار قالاسىنىڭ اكىمى ەرجان ءيمانسلام اتاپ وتكەندەي, تۇرعىن ءۇيدىڭ قاسبەتىن كۇردەلى جوندەۋگە بيۋدجەتتەن قارجى بولىنەدى. بۇرىنعى قاپتاۋ ماتەريالى - اليۋكوبوند مەتالل قاپتاماعا اۋىستىرىلادى دەپ جوسپارلانىپ وتىر. الايدا ءوڭىر باسشىسى جاعدايدىڭ قايتالانۋىنا جول بەرمەۋ ءۇشىن الدىمەن ماتەريالدىڭ ساپاسىن تەكسەرىپ الۋدى تاپسىردى. پاۆلودار وبلىسىنىڭ جاس عالىمدار كەڭەسىنىڭ ءتورايىمى, «تورايعىروۆ ۋنيۆەرسيتەتى» كەاق پروفەسسورى يرينا چيدۋنچي دە وبلىس اكىمىمەن ونلاين رەجيمدە اڭگىمەلەستى. ول وڭىردەگى اۋا ساپاسىن باقىلاۋدىڭ تىڭ ءادىسىن ۇسىندى. ول ءۇشىن يرينا چيدۋنچي ماماندار اتموسفەرالىق اۋا ساپاسىن باقىلايتىن شاعىن ستانتسيالار ويلاپ تاپقانىن ايتىپ, ەندى بۇل قۇرىلعىلاردى قالانىڭ بىرنەشە جەرىنە ورناتۋدى سۇرادى. ەكولوگتىڭ ايتۋىنشا, بۇل جۇيە ايماق اۋاسىنىڭ قانشالىقتى لاستانعانىن انىقتايدى, ءارى وسى اقپارات بولاشاقتا قالانى اباتتاندىرۋ, كوگالداندىرۋ جۇمىستارىن لايىقتى جوسپارلاۋعا سەپتىگىن تيگىزەدى. اتالعان جوبا تاۋەلسىز ەكولوگتاردىڭ وڭ باعاسىن الدى. وعان قوسا قارجىلاندىرۋ ماسەلەسى دە ءىشىنارا شەشىلىپ قويدى. ابىلقايىر سقاقوۆ ەكولوگقا پايدالى باستاماسى ءۇشىن العىس ايتىپ, جوبانى 2021 جىلعا ارنالعان جوسپارعا ەنگىزۋدى تاپسىردى.