سىبايلاس جەمقورلىققا قارسى ءىس-قيمىل اگەنتتىگىنىڭ اتىراۋ وبلىسى بويىنشا دەپارتامەنتى مەن "اتىراۋ – ادالدىق الاڭى" جوبالىق كەڭسەسى ۇيىمداستىرعان "پاراساتتى وتباسى" ونلاين بايقاۋى ءوتتى, دەپ حابارلايدى Egemen.kz
"ماقساتىمىز – "قازاقستان رەسپۋبليكاسىنىڭ 2015-2025 جىلدارعا ارنالعان سىبايلاس جەمقورلىققا قارسى" ستراتەگياسىنا سايكەس وتباسى قۇندىلىقتارىن ناسيحاتتاۋ. سونداي-اق, وتباسى مۇشەلەرىنىڭ اراسىنداعى باۋىرمالدىق, قايىرىمدىلىق, دوستىق قارىم-قاتىناستى قالىپتاستىرۋ, زاماناۋي جەتىستىكتەرگە لايىقتى تۇلعانى, اشىق ويلى, قايىرىمدى وتباسىنى انىقتاۋدى كوزدەدىك", دەيدى وڭىرلىك دەپارتامەنت باسشىسىنىڭ ءبىرىنشى ورىنباسارى ايدوس مامىت.
بيىل بايقاۋعا قاتىسۋشىلار پاراساتتى وتباسى قۇندىلىقتارى, سىبايلاس جەمقورلىققا قارسى وي-پىكىرى, ۇستانىمى تۋرالى بەينەروليكتەردى الەۋمەتتىك جەلىلەردە جاريالادى. قازىلار القاسى بايقاۋدا باق سىناعان 25 وتباسىنىڭ بەينەروليگىن سارالادى. بايقاۋ قورىتىندىسىندا ءبىرىنشى ورىنعا بوكەنوۆتەر وتباسى يە بولدى. ەكىنشى جۇلدەنى عافۋرينوۆتەر مەن تولەۋوۆتەر وتباسى, ءۇشىنشى ورىندى قاراباليندەر مەن بەرەگەنوۆتەر وتباسى يەلەندى.
ال قۇرمانعاليەۆتارعا "ونەگەلى وتباسى", مەڭدەشەۆتەرگە "شەبەر وتباسى", تالعاتوۆتارعا "ىنتىماقتى وتباسى" اتالىمى بەرىلدى.